O‘tgan hafta Juma kuni Bangladesh poytaxti Dakkaning 216 kilometr g‘arbida joylashgan diniy ibodat joyi “Ashram”da ishlaydigan bir hind ishchisining o‘lik jasadi topilgan edi. Hodisa ortidan mamlakatda boshlangan “jodugar ovi” amaliyotida shu kungacha 8 ming 200 musulmon qo‘lga olingani aytilmoqda. Hibsga olingan 8 ming 200 kishidan 103 kishiga radikal Islomchi guruhlarga a‘zolik va o‘qotar qurol hamda giyohvand moddalardan foydalanish kabi ayblar qo‘yilgan.
Milliy xavfsizlik mudirligining so‘zchisi Kamrul Ahsanning bildirishicha, qari hindning o‘ldirilishi ortidan Juma kuni boshlangan amaliyot doirasida oxirgi 24 soat ichida yana 3 ming 245 nafar gumondor qo‘lga olingan va shu tarzda hibsga olingan mahbuslarning soni qariyb 8 ming 200ga yetgan. Bangladesh davlatining asoschisi hisoblangan sobiq prezident Mujiburrahmonning qizi va 2009 yil 6 yanvardan buyon Bangladesh Bosh vaziri mansabini egallab kelayotgan Shayxa Hasina shanba kuni Mamlakatdagi har bir qotil qo‘lga olinishini bildirgan edi.
Siyosiy tahlilchilar bir hindning o‘limi uchun bunchalik ko‘p odamning qamoqqa olinishini “siyosiy qo‘rqitish” faoliyati sifatida baholamoqda. Muxolifat esa davlatni siyosiy qarshilikka barham berish uchun vaziyatlan foydalanib qolayotganlikda ayblamoqda.
Aholining 80 foizi musulmonlardan tashkil topgan o‘lkada bitta butparast hindning o‘limi uchun minglagan musulmonlarni qamoqqa olinishi jamoatchilik orasida noroziliklarga sabab bo‘lmoqda. Bangladeshda islomiy guruh rahbarlarini qatl qilish, uzoq muddatga ozodlikdan mahrum qilish yoki qiynoqlarga solish holatlari keng tarqalgan.
