So‘ngi vaqtlarda Qozog‘istonda keskinlashib borayotgan siyosiy xodisalar ortidan prezident Nursulton Nazarboyev o‘z hokimiyatini yanada mustahkamlash payiga tushib qolgan ko‘rinadi.
Qozog‘istonda “Er kodeksi”ga o‘zgartirishlar kiritilishi ortidan Aktobe, Semey va Atirau shaharlarida aprel oyi oxiri va may oyida bo‘lib o‘tgan norozilik namoyishlarida prezident iste‘fosini talab qilib yuzlab odamlar ishtirok etishgan edi. Mazkur xodisadan Nazarboyevga qarshi biror-bir yetakchi davlat o‘z manfaatlari yo‘lida foydalanib qolish mumkin bo‘lganligi sababli Nazarboyev buni oldini olib sinalgan usul “terroristlar tomonidan qurolli hujum”spektaklini yana bir bor “sahnalashtirdi”.
Qozog‘iston IIV ma‘lumotiga ko‘ra, 5 iyun kuni Aktobe shahrining 3ta tumanida otishmalar yuz berdi. Otishmalar davomida 3 kishi halok bo‘lib, 10dan ortiq kishi jarohatlangan. Ma‘lum qilinishicha, noma‘lum shaxslar qurol sotiladigan do‘konga hamda harbiy qismga hujum qilishgan.
IIV matbuot xizmati vakili Almas Sadubayevning ma‘lum qilishicha, “Pallada” qurol do‘koniga uyushtirilgan hujum natijasida do‘kon sotuvchisi o‘ldirilgan, bir kishi jarohatlangan.
Shuningdek, harbiy qismga uyushtirilgan hujum natijasida bir zobit va bir harbiy xizmatchi halok bo‘lgan hamda 9 harbiy xizmatchi jarohatlangan.
Shahardagi savdo markazlari hamda yirik do‘konlar yopib qo‘yilgan, odamlar evakuatsiya qilingan. Shuningdek, jamoat transporti harakati va ko‘ngilochar majmualar faoliyati to‘xtatilgan.
Qozog‘iston IIV ma‘lumotiga ko‘ra, hujum qilganlarning 3 nafari o‘ldirilgan, 1 kishi qo‘lga olingan.
“Bir necha jinoyatchi binolardan biri ichida qamalda qolgan, yana bir qanchasi qochib ketdi. Ularni qo‘lga olish bo‘yicha harakatlar olib borilmoqda”,- deyiladi xabarda.
Dastlabki ma‘lumotlarga ko‘ra, hujum qilganlar diniy ekstremistik guruh a‘zolari bo‘lishgan. Shaharda ayni vaqtda aksilterror amaliyotlar rejimi joriy etilgan.
Turkiston:
Ha, bu Karimov uyushtirgan 1999 yildagi 16 fevralь yoki 2005 yildagi Andijon voqe‘alarini eslatayapti. Putinning 1999 yildagi Rossiya bo‘ylab, qotorasiga bir qancha qo‘poruv amaliyotlarini uyushtirganiga ham o‘xshab borayapti. Nazarbayevning maqsadi ham, o‘sha vaqtdagi Karimovnikiday qabih bo‘lsa ajab emas. Unda, jarayonning keyingi ketuvi quyidagicha bo‘ladi.
Nazarbayev xuddi Karimov singari islomiy kuchlarni ro‘ykach qilib, o‘ziga muxolif bo‘lgan quvvatlarning barchasiga urush ochadi. Qo‘lidagi saltanatdan foydalanib, bir kancha vaqtga favqulotda holat e‘lon qiladi. Bu vaqtda o‘z fuqorolarini qo‘rquvda ushlab turish uchun, yana bir necha qo‘poruv amaliyotlari uyushtirishi ham mumkin. Nazarbayev ham, Qozog‘istonda o‘z rejimini mustahkamlash bilan, avtoritar boshqaruv sistemasini kuchaytirib boraveradi. Yuqoridagi amaliyotlarning barchasi muxolifat fikrlar uchun muhit paydo qilayotgan sharoitlarni yo‘q qilish uchun o‘ylab topilgan.
