Ta‘ziya
Qirg‘izistonning Qadamjoy shahri bilan Orozbekov qishlog‘ini bog‘lab turgan avtomobil yo‘lining ma‘lum qismi ko‘p yomg‘ir yoqqanligi sababli ko‘chki ostida qoldi. Yo‘lga yaqin tog‘lardan ko‘chgan ko‘chki o‘nta avtomobilni bosib qolganligi aytilmoqda. Buning oqibatida 5 kishi halok bo‘lgan. Bundan tashqari bir qator turar joylar ham zarar ko‘rgan. Bu ma‘lumotlar favqulodda holatlar vazirligi tarafidan tasdiqlandi.
Biz, Turkiston saytining xodimlari Allohning qazosiga iymon keltirgan holda, Mehribon va Rahmdil Allohdan hodisada qurbon bo‘lgan insonlarning oxiratini obod qilishini va o‘z jannati bilan mukofotlashini so‘raymiz. Ularning oila a‘zolariga va yaqinlariga esa ta‘ziya bildirish bilan birga Allohdan chiroyli sabr matonat so‘rab qolamiz.
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ
“Ular musibat yetganda: “Albatta, biz Allohnikimiz va, albatta, bizUngaqaytuvchimiz”, derlar”. (Baqara. 156)
Turkiston tahririyati
