Saudiya Arabistonida tashkil qilingan Ko‘rfaz hamkorlik kengashining yig‘ilishi AQSh prezidenti Barak Obamaning ishtirokida bo‘lib o‘tdi. Poytaxt Riyozdagi Diriyya saroyida bo‘lib o‘tgan sammitda AQSh prezidenti Barak Obama, Saudiya qiroli Salmon bin Abdulaziz, Qatar Amiri Tamim bin Hamad As-Sani, Quvayt Amiri shayx Saboh al-Ahmad al-Jobir as-Saboh, Abu Dabi Valiahdi Muhammad bin Zayd Al Nahyan, Ummon majlis rahbari Fahd bin Mahmud, Bahrayn qiroli Hamdi bin Iso Oli Xalifa ishtirok etdi.
Sammit davomida Yaman va Suriyadagi ichki notinchliklar, neft narxlari, Eronning mintaqadagi pozitsiyasi va terrorizmga qarshi kurash mavzulari muhokama qilindi. Shuningdek, bu yig‘ilish Obama ishtirokida o‘tar ekan, AQShning Fors ko‘rfazidan ko‘zlagan maqsadlari ham muhokama qilinishi tabiiy.
Ko‘rfaz hamkorlik kengashiga a‘zo davlatlar bilan Marokash qiroli Muhammad Oltinchi o‘zaro xavfsizlik va barqarorlikka tahdid soladigan har qanday xavfga qarshi qo‘shma harakat olib borish borasida kelishib olishdi. Sammitning yakuniy bayonotida mintaqaviy tinchlikka tahdid tug‘diragan va mamlakat chegaralarini yangidan belgilash maqsadida tarqatilgan ekstrimistik g‘oyalarga qarshi keskin fikrlar bildirildi. Arab dunyosiga tahdid tug‘dirayotgan o‘zgarishlar Suriya, Iroq, Liviya, va Yamandadagi inqirozlarga yechim topilishini qiyinlashtirganligi bildirilar ekan, bu muammoni bartaraf qilish bo‘yicha birgalikdagi harakatlar olib borish zarurligi ta‘kidlandi. Ammo Arab dunyosiga tahdid tug‘dirgan o‘zgarishlar haqida ochiq izoh berlmadi.
Ko‘rfaz hamkorlik kengashi bilan Marokash o‘rtasida qo‘shma strategik bloklar yaratganligi va bu mamlakatlardan birining xavfsizligiga kelgan zarar boshqalariga ham taalluqli hisoblananishi aytib o‘tilgan bayonotda kengashga a‘zo davlatlarning rahbarlari Marokash manfaatlariga qaratilgan tahdidlarga qarshi ekanliklarini bildirishdi. Marokash va Polisario (harbiy siyosiy tashkilot) fronti orasidagi G‘arbiy sahroi kabir masalasi Ko‘rfaz hamkorlik kengashining ham masalasi ekanligi ta‘kidlanar ekan, Marokash bu mintaqada yuzaga kelgan muammoning yechimi uchun taklif qilgan o‘z-o‘zini boshqarish tashabbusi qo‘llab-quvvatlandi.
