Britaniya bosh vaziri Devid Kemeron – Birlashgan Qirollik terror tahdidi qarshisida birlashishi va masihiylik qadriyatlarini himoya qilishi lozimligini ta‘kidladi.
Kemeron Pasxa bayrami munosabati bilan Britaniya xalqiga yo‘llagan murojaatida mas‘uliyatni his qilish, jiddiy ishlash va shafqatli bo‘lish “turli din vakillari hamda biror dinni qabul qilmagan” kishilar uchun muhimdir, deya bildirdi.
U – yaqinda Bryusselьda yuz bergan hujumlar kabi terroristik hujumlarga turtki berayotgan ideologiyani mag‘lub qilish mumkinligini, bu esa ushbu qadriyatlarni faxr bilan himoya qilish orqali amalga oshishini qo‘shimcha qildi.
Bosh vazir Britaniyaning masihiylik qadriyatlariga ega bo‘lgan masihiy davlat bo‘lgani uchun faxrlanishi lozimligini ta‘kidlab, “Lekin bu qadriyatlar – Britaniyadagi har bir shaxs, jumladan turli din vakillari hamda biror dinni qabul qilmagan kishilarga murojaat qilib, yuzlanadigan qadriyatlar hamdir” deya qo‘shimcha qildi.
U yana “Biz barchamiz birlashishimiz va qadriyatlarni himoya qilishimiz lozim” deb ta‘kidlab, “Terrorchilar shu haftada Bryusselьda sodir etishgani kabi, hayotimiz shaklini vayron etishga harakat qilayotgan ekanlar, oyoqqa turib bizni terror bilan qo‘rqitib bo‘lmasligini isbotlashimiz lozim”, deya qo‘shimcha qildi.
Kemeron “Biz bugungi kurashda qadriyatlarimizni va hayotimiz yo‘lini faxr bilan himoya qilish orqali terror ortida turgan iflos fikrni mag‘lub qilajagimizni ko‘rsatib qo‘yishimiz lozim”, dedi.
Roya gazetasi sharhi:
G‘arb hukmdorlari o‘zlarini ilmoniylar ekanini da‘vo qilib, dinni shaxsiy masala deb aytadilar. Ularga ko‘ra, jamiyatga asos bo‘ladigan ishlarga, davlat siyosatini belgilashga hamda ummat yoki xalq muammolarini muolaja qilishga dinning aloqasi yo‘q. Ular buni qayta-qayta takrorlaydilaru, biroq ish Islom va musulmonlarga hamda ularga qarshi qurashish yo‘llariga taqalib qolganda esa, dinga murojaat qiladilar… Ilohiyot masalalariga shubha bilan qarashini aytib kelgan bosh vazir bugunga kelib, masihiylik qadriyatlari posboni sifatida namoyon bo‘lishi uyatdir… Bu bizga Amerikaning sobiq prezidenti kichik Jorj Bushning 2001 yildagi e‘lonini esga soladi. U Afg‘onistonga qarshi urushni salbchilik urushi deya e‘lon qilgan edi. Ular Islom va musulmonlarga adovati kuchli bo‘lgani hamda o‘z yurtlaridagi odamlarni Islomga qarshi safarbar qilishni istayotganlari uchun shunday qilishyapti.
