Uzoq yillardan beri Islom dini va qadriyatlariga qarshi kurashib kelayotgan Qirg‘iziston hukumati va kuch organlari jamiyati ichida islomiy da‘vat yukini ko‘tarib chiqqan musulmonlarni to‘qima ayblovlar bilan qamoqqa tashlab kelayotgan edi. Kuch organlari o‘zlari uchun istalmagan bo‘lgan musulmonni jamiyatdan ajratib, qamoqqa olishlari uchun shu vaqtga qadar Qirg‘izistonda taqiqlangan adabiyotlar ro‘yxati yo‘qligi va diniy (teologik) ekspertiza o‘tkazish salohiyati va layoqatiga ega bo‘lgan biror bir muassasani yo‘qligi juda qo‘l kelmoqda.
Qirg‘izistonda taqiqlangan diniy adabiyotlar ro‘yxati mavjud emasligi sababli ham kuch organlari musulmonlar uyida tintuv o‘tkazish davomida topilgan kitoblarni –garchi bu kitoblar hukumatning rasmiy ruxsati bilan chop etilgan bo‘lsada – ekstremistik adabiyotlar sifatida qayd qilinib, musulmonlarga qarshi dalil sifatida foydalanib kelayotgani ko‘plab tanqidlarga sabab bo‘layotgan edi.
Shu sababli ham kuch organlari endilikda o‘zlari uchun bir hujjat bo‘lishi maqsadida IIV 10-bo‘limi bazasida teologik ta‘lim bo‘limasini tashkil etish harakatiga tushib qolishdi.
IIV matbuot xizmatining xabar qilishicha, IIV 10-bo‘limi “Iymon” jamg‘armasi bilan hamkorlikda 19 aprel kuni O‘sh shahrida O‘sh, Botken va Jalolobod viloyatlaridagi xodimlari uchun seminar-trening o‘tkazdi.
Xabar ko‘ra, treningda teologiya, diniy tadqiqot, majorolarni oldini olish va xavfsizlik sohalari bo‘yicha ekspertlar ishtirok etdi.
IIV 10-bo‘lim boshqarmasi boshlig‘i Raim Salimovning qayd etishicha, seminar dasturi dinlar, konfessiyalar tarixi, dinlararo va konfessiyalararo aloqalar tarixi, aholi orasida diniy radikalizmni oldini olish bo‘yicha ishlarning amaliy va nazariy asoslari, teologik, diniy tadqiqot hamda diniy-psixologik ekspertizalar o‘tkazish masalalarini o‘z ichiga oladi.
Seminar davomida internet tarmoqlarida ekstremizmga qarshi kurash, yoshlar va xotin-qizlar orasida ekstremizmni oldini olish bo‘yicha ma‘ruzalar o‘qildi.
Bunday seminar-treninglar 10-bo‘limning Chuy, Issiqko‘l, Norin va Talas viloyatidagi xodimlari uchun ham tashkil etilishi rejalashtirilgan.
Turkiston:
Qirg‘izistonda Islom diniga qarshi yangicha kurash uslublariga o‘tish uchun keng taktik harakat borayapti. Kufr institutlari bizlarni ichimizdan o‘ziga moil yoki ulardan moddiy manfaat umidvor bo‘lgan shaxslarni bir tizim qilib olib, ularga “Iymon” degan islomiy nom bilan jamg‘armalar tuzib berib, o‘z manfaatlari yo‘lida ishlatishmoqda.
Aslida, musulmonlar bilan kufr olami o‘rtalarida iymon-kufr masalasi borayapti. Kufr olami bu mafkuraviy kurashda yengildi. Bu haqida K. Malikov “demokratiya musulmonlar orasida o‘ziga bo‘lgan ishonchni yo‘qqa chiqardi” dedi. U o‘sha tiologik ekspertlar yig‘inida “biz endi diniy rodikalizmga qarshi yangi boshqa idiologiya topishimiz kerak” dedi.
Birodarlar sizlar musulmonmisizlar o‘zi?!
Alloh Taolo biz musulmonlarga har qanday odam “men musulmonman” desa ishonib, unga musulmon deb muomila qilishga buyurdi. Lekin nususlarda Alloh ularning qalblarini faqat o‘zi bilishini ta‘kidlab o‘tdi. Birodarlar, Malikovning gapiga e‘tibor bering. U kufr manfaati uchun kufr yomon deb bilgan musulmonga qarshi kurashish uchun mafkura izlashimiz kerak dedi. U olamning har burchagida musulmonlarni qirib, Quronni yoqib, Payg‘ambarimizni karikatura qilib, filmlar chiqarib kelayotgan kufr bilan hamkorlikda, “yomon birodarlarimizni tahqirlash” uchun yo‘l topishimiz kerak dedi. Vaholangki o‘sha yomon birodarlar, hali u aytayotgan harbiy harakatlarni yurtimizda boshlagani yo‘q. Ular “iymon” fondi ustida turgan kufr yetakchilari uzoq yillar mobaynida olib borishayotgan qirg‘inbarot fitnakashlik urushlarni boshlaganlari yo‘q.
Endi ular Islomni yaxshi tushunishmasa ham o‘zlarini musulmon sanagan organ xodimlarini ham buzuq aqidalari bilan bulg‘ashga o‘tishdi. Hozirda quvg‘inda yurgan yoki qamoqda o‘tirgan bir qator O‘zbek olimu ulamolari ham avvalida xuddi shu hatoni qilishgan edilar. Hozirda Karimov ularni hatto chet davlatlarda ham tinch qo‘ymayapti. Chunki “iymon” fondi aytayotgan kurash, faqat bitta Islomiy qatlamga qarshi qaratilgan emas. Bu kurash Islom va musulmonlarni birini biri bilan qirib yo‘q qilib yuborish orzusi ostida kufr olami tomonidan tuzilgan loiha asosida borayapti. Ular bir islomiy qatlamni yo‘q qilib olish bilan to‘xtab qolishmaydi. Keyingisiga o‘tishadi, so‘ng yana keyingisiga. Oxir oqibatida ko‘rib turganimizdek, hijob kiyishdan, namoz o‘qishdan man qilishgacha borishadi. Avvalida Karimov Namangan to‘palonida hatto O‘zbekistonda Xalifalik davlatini e‘lon qilishga ham rozi bo‘lgan edi.
Musulmon birodarlarimizn, ehtiyot bo‘lishga va kufrning nayranglari kuchayib borayotganidan ularni ogoh bo‘lishga da‘vat qilamiz. Kufrning har qanday dushmani o‘zining muammosidir. Biz kufr uchun jonbozlik ko‘rsatib borishimiz, u bilan birga har qanday musulmonga yoki g‘oyrimusulmonga aziyat yetkazishimiz mumkin emas. Chunki bizning bu beo‘xshov harakatlarimiz va musulmon birodarlarimizga yetkazadigan aziyatlarimiz, u tarafdagi musulmonlar tarafidan ham qayta qarshilik hujumlariga olib kelishi mumkun. Kufr sistemasi xuddi shu provokatsiyadan umid qiladi. Agar maqsadiga yetib, u tarafdagi musulmonlar qayta hujumga o‘taverishmasa, ularning o‘zlari o‘sha mazlum musulmonlar nomidan hujum uyushtirishadi. Butun dunyoda xuddi shu uslub asosida ish olib borishayotganlarini hatto ularning o‘zlari bir birlarini ochib yuborishayapti. “Iymon” fondining hatti harakatlari o‘ta xavfli. Ularning “mo‘‘tadil islom” robitasi asosidagi uyushib borayotgan harakatlari Musulmonning ikkala dunyosi uchun o‘ta xavfli. Ular tarqatishayotgan moddiy mablag‘larga aldanib qolmaylik. Chunki bu yerda, ular aytishayotgan xavfsizlik masalasi emas, balki Iymon-kufr masalasi borayapti!
