Sobiq Frantsiya prezidenti Nikolya Sarkozi – Turkiya Rossiyaga nisbatan kamroq evropalashganini, uning uchun Yevropa Ittifoqida o’rin yo’qligini aytdi.
«Bu gapim ichimda turklarga nisbatan dushmanlik borligini anglatmaydi, bizning ularga ehtiyojimiz bor va ular bizning NATO doirasidagi ittifoqchilarimizdir», dedi Sarkozi.
Shanba kuni ITELE televideniesiga bergan intervyusida bunday bayonot berdi: «Turkiyaning Yevropa Ittifoqiga a’zo bo’lishi istiqbollari mantiq va sog’lom fikrga ziddir. Chunki ko’p jihatdan o’lchaganda, u Rossiyaga nisbatan kam evropalashgan davlatdir».
Yana qo’shimcha qildi: «Turkiyaning kichik Osiyoda joylashganiga va madaniyati yuksak bo’lishiga qaramay, faqat Osiyo-Yevropa o’rtasida ko’prik bo’lishdan boshqa narsaga yaramaydi. Qachon biz – Turkiya Yevropadir, deydigan bo’lsak, bu Yevropa chegaralari Suriya orqali o’tadi, deganni anglatadi, bu esa sog’lom fikrga ziddir».
Sarkozi shuni alohida urg’uladiki, yangi Turkiya davlati Yevropaning ko’plab demokratik o’lchovlariga mos kelmaydi, u tarixiy, ma’rifiy va iqtisodiy jihatdan Yevropadan batamom uzoq davlat, kim bundan boshqacha gapiradigan bo’lsa, Yevropa Ittifoqiga o’lim tilagan bo’ladi.
Sobiq Frantsiya prezidenti Yevropa Ittifoqi bilan Turkiya o’rtasidagi qochqinlarga oid mubohasalarni tanqid ostiga oldi va bunday mubohasa Turkiyaga vizalar masalasida yon berish hisoblanishini bildirdi. U shuningdek, sakson million turkiyalikdan vizalarni bekor qilinishiga qarshilik ko’rsatishini ham aytib o’tdi. (Rossiya segodnya).
Roya gazetasi sharhi:
Turkiyaning Yevropa Ittifoqi tarkibiga kirishiga rozi emasligi to’g’risidagi Sarkozining fikri Yevropadagi juda ko’p rahbarlar, partiyalar va xalqlar fikrini ifodalaydi. Uning «Turkiya tarixiy, ma’rifiy va iqtisodiy jihatdan Yevropadan batamom uzoq davlat», degan gapi evropaliklar turk ahli ma’rifati va tarixidan xavfsirashayotganiga dalolat qiladi. Chunki Turkiya xalqi asosan musulmonlarni tashkil qiladi hamda ular ham boshqa islomiy xalqlar kabi, Islomga muhabbatlidirlar. To’g’ri, Turkiya boshqa islomiy yurtlarga nisbatan bir muncha ilmoniylashgan davlat. Biroq shunga qaramay, evropaliklar ularning tarixidan qo’rqishadi. Chunki turk ahlining poytaxt Istanbuldagi Xalifalik zamonini qumsashlarini, o’sha paytda musulmonlar o’z nufuzlariga ega bo’lishganini yaxshi bilishadi. Shuning uchun evropaliklar Turkiyaga ko’p shartlarni qo’yib, uning Yevropa Ittifoqiga a’zo bo’lish masalasini atayin paysalga solib kelishmoqda. Yevropaliklarda Islomga, musulmonlarga, ayniqsa, turkiyalik musulmonlarga nisbatan dushmanlik hissi mavjud. Ammo Turkiya rahbarlari esa Yevropa Ittifoqiga qo’shish uchun o’shalarning ortidan xalloslab chopishyapti. Darhaqiqat, 1987 yil Turkiya Yevropa Ittifoqiga a’zo bo’lish talabini taqdim etdi. 12 yildan so’ng 1999 yili Yevropa Ittifoqi Turkiyaning a’zolikka nomzod bo’lishiga rozi bo’ldi. Biroq to’la a’zo bo’lish muzokaralari 2005 yil Adolat va Taraqqiyot partiyasi hukumati davridagina boshlandi, lekin, muzokaraning yakuniy vaqti belgilanmadi.
Roya gazetasining 2016 yil 23 mart chorshanba kungi 70-sonidan
