Eron tashqi ishlar vaziri Muhammadjavod Zarif shanba kuni Istanbulda Turkiya prezidenti Rajab Toyyib Erdogan bilan uchrashuvi chog’ida Eron-Turkiya hamkorligining regional bo’hronlarni hal etishda samarali va foydali ekanini bildirdi.
Eronning «Irna» axborot agentligi xabariga ko’ra, Zarif «yangi vaziyatlar», deya atalayotgan vaziyatlarda ikki davlat o’rtasida eng afzal aloqalarni o’rnatishga chaqirdi, «og’ir vaziyatlar»da do’stona munosabat lozimligini ta’kidladi.
Zarif – Turkiya Eron uchun «g’oyat muhim qo’shni bo’lib, eronlik mas’ullar Turkiya bilan bo’ladigan munosabatlarga alohida e’tibor qaratishlari»ni bildirdi. Tehron bilan Anqara mazhablararo yaqinlikda yaxshi namunaga aylanishlari mumkinligini qo’shimcha qildi.
O’z navbatida, Erdogan ham – Turkiya-Eron o’rtasidagi ikkitomonlama munosabatlar nafaqat ikkala davlat manfaatlariga, balki mintaqa tinchligi va barqarorligiga ham xizmat qilishini ta’kidladi. (Rossiya Segodnya).
Roya gazetasi sharhi:
Agar Turkiya va Eron hukmdorlari yaxshilik va taqvo ustida hamkorlik qilganlarida edi, Zarifning – Eron-Turkiya hamkorligining regional bo’hronlarni hal etishda samarali va foydali ekani to’g’risidagi gapining joni bo’lardi. Biroq ular gunoh va adovat ustida hamkorlik qilishyapti, kofirlar rejalarini bajarishyapti… Muammo shundaki, Zarif «og’ir vaziyatlar» haqida gapirdi. Axir, musulmonlarni shunday og’ir vaziyatlarga giriftor qilgan kim, Eron va Turkiya kabi davlatlar hukmdorlariku?! Zero, ular siyosatlarini o’z xalqlari foydasiga emas, balki ularning zarariga yurgizishmoqda. Chunki ularning bu siyosatlari richagi musulmon xalqlariga dushman davlatlar qo’lidadir!!
Roya gazetasining 2016 yil 23 mart chorshanba kungi 70-sonidan
