Bundan uch oy oldin Norin viloyati Otboshi tumani Birlik qishlog’i ahli xayrli ishga qo’l urib, qishloq hududida joylashgan to’rtta savdo shahobchasida spirtli ichimliklar sotishni to’xtatishgan edi.
Ular tomonidan boshlangan savobli tashabbus viloyatning boshqa tumanlariga ham yoyilib bormoqda. 9 mart kuni viloyatning yana Norin tumani Mingbuloq qishloq ahli ham bu xayrli ishga qo’shilib, qishloqdagi beshta savdo shahobchasida sotilayotgan spirtli ichimliklarni qishloq ahliga, yoshlarga, kelajak avlodga foydasi yo’q ekanligini to’g’risida tushintirish ishlari olib borishdi. Tushintirish ishlar natijasida savdo shahobalari egalari bundan buyon spirtli ichimliklar sotishni to’xtatishlarini ma’lum qilishdi.
“Albatta, bu Mingbuloq qishlog’i ahli uchun, qolaversa qirg’iz xalqi kelajagi uchun ham yaxshi tashabbus bo’lib, qolgan qishloqlar ham ibrat oladigan tashabbus bo’ldi desak yanglishmaymiz”,- deyishdi qishloq ahli.
Tashabbuschilar taklifiga binoan Norin viloyat qozisi Mambetasan Ibraev atayin Mingbuloq qishlog’iga borib, xayrli ishni boshlagan xalqqa minnatdorchilik bildirdi va spirtli ichimliklar sotishni butunlay to’xtatgan do’kon egalariga qoziyot nomidan “Tashakkurnoma yorlig’i”ni topshirib, juda xursand bo’lganini, bunday yaxshi tashabbuslar boshqa qishloqlarga ham yoyilishini tiladi.
Turkiston:
Allohga cheksiz hamdu sanolar bo’lsinki, Qirg’iziston xalqi ildam odimlar bilan o’zligi, o’z diniy qadriyatlari sari bormoqda. Albatta, spirtli ichimliklar xalq va millat uchun nafaqat foydasiz, balki Alloh tomonidan ham harom qilingandir.
Alloh Taolo aytadi:
“Ey iymon keltirganlar! Albatta, xamr, qimor, butlar va (fol ochadigan) cho’plar iflosdir. Shaytonning ishidir. Bas, undan chetda bo’ling. Shoyadki, najot topsangiz. Albatta, shayton xamr va qimor tufayli oralaringizga adovat va yomon ko’rishlikni solishni hamda sizlarni Allohning zikridan va namozdan to’sishni xohlaydi. Endi to’xtarsizlar?!”. (Moida- 90-91)
Mana shunday tashabbus va intilishlar orqali bizlar o’zimizni o’zgartirib borsak, Alloh Taolo bizlarning ongimiz, fikrimiz va yashash tarzimizni o’zgartirib, O’zi rozi bo’ladiga yo’lga yo’llab qo’yadi.
“Aniqki, to biron qavm o’zlarini o’zgartirmagunlaricha Alloh ularning ahvolini o’zgartirmas” (Ra’d: 11).
