Eron bilan tuzilgan yadroviy shartnoma kuchga kirishi ortidan Amerika prezidenti Barak Obama joriy yil 17 yanvar yakshanba kuni Eron bilan diplomatik aloqalarning uzilishi Qo’shma Shtatlar manfaatiga xizmat qilmaganini ta’kidladi.
Obamaga ko’ra, o’nlab yillar Eron bilan so’zlashmaslik Amerika manfaatlariga hissa qo’shmagan, balki bu davlat bilan bo’lgan yadroviy shartnoma mintaqada hech qanday urushga kirmasdan olib borilayotgan AQSh diplomatiyasi qudratini isbotladi.
Amerika prezidenti Qo’shma Shtatlar bilan Eron o’rtasida bahsli masalalar ham mavjudligini tan olib, u bilan bo’lgan qarama-qarshiliklar Eronning hamon «Isroil»ga xavf solib kelayotganida ekanini, u bilan Fors Ko’rfazi davlatlari o’rtasida ham ziddiyatlar borligini ta’kidladi.
Obama Eronning 2015 yil 14 iyulda imzolangan yadroviy shartnoma ostida yadroviy qurolga ega bo’lolmasligini bildirdi hamda bu yadroviy shartnoma butun dunyoni yanada xavfsiz dunyoga aylantirganini urg’uladi. U – biz Eron bilan bevosita munosabatda bo’lishimiz boshqa masalalarni ham hal etishimizga ko’mak berdi, dedi. So’ng Eron oldida o’z xalqi foydasi uchun butun dunyo bilan yangi munosabatlar o’rnatishdek tarixiy qulay imkoniyat turganini ta’kidladi. (Rossiya Segodnya).
Roya gazetasi sharhi:
Humayniy qo’zg’oloni hokimiyatni olganidan buyon Eronda kechayotgan siyosatni kuzatib borayotgan har bir kishi bu davlatning – Afg’oniston, Iroq, Yaman, Suriya va boshqa davlatlardagi – Amerika siyosati bilan qanchalar chambarchas bog’liqligini anglab etadi. Amerika prezidentining bu so’zlari Oq uy ma’muriyati olg’a surayotgan ishlar doirasiga kiradi. Ya’ni Eron bilan bo’lgan yadroviy shartnomadan Amerika siyosatiga ulkan manfaatlar keladi. Zero, Amerika Eronni amerikacha siyosatni eng yaxshi ijro etuvchi davlatga aylantirmoqchi va bunga Obamaning «Biz Eron bilan bevosita munosabatda bo’lishimiz boshqa masalalarni ham hal etishimizga ko’mak berdi», degan so’zlaridan ko’rinib turibdi. Obamaning Qo’shma Shtatlar bilan Eron o’rtasida ziddiyatli muammolar ham mavjudligini tan olib, bu ziddiyatlar hamon «Isroil»ga xavf tug’dirishda davom etayotganiga hamda Eronning Fors Ko’rfazi davlatlari bilan ham ziddiyati borligiga doir so’zlariga kelsak, bu adashtirishdan boshqa narsa emas. Yahudiylar davlati haqidagi so’zlariga kelsak, Amerika o’nlab yillardan beri Erondan foydalanib keladi. Ya’ni «Isroil» Amerika istagan echim bo’yicha harakat qilishi uchun unga Eronning qo’li bilan bosim o’tkazib keladi. Masalan, Amerika Livan janubida Eron hizbidan foydalangan, shuningdek, buni amalga oshirish uchun Eron yadroviy programmasidan ham foydalangan. Eron bilan Fors Ko’rfazi davlatlari o’rtasidagi ziddiyatga kelsak, bu ham Amerika manfaatiga xizmat qiladi. Ya’ni Amerika Fors Ko’rfazi davlatlarini o’z istagiga tiz cho’ktirish uchun Erondan «olabo’ji» sifatida foydalanadi. E’tibor bering, Obama Eronning Suriyaga aralashayotganini Amerika bilan bo’lgan ziddiyatlari sirasiga kiritmadi. Demak, bundan Eronning Suriyada bo’lishi Amerika siyosatiga xizmat qilishini tushunish mumkin.
Roya gazetasining 2016 yil 20 yanvar chorshanba kungi 61-sonidan
