Oqo’rda matbuot xizmatining xabar berishicha, Qozog’iston prezidenti Nursulton Nazarboev parlament senati raisi Qosim-Jo’mart To’qaev va bosh vazir Karim Masimov bilan uchrashdi. Uchrashuvda prezident ma’muriyati boshlig’i Nurlan Nigmatulin ham ishtirok etdi.
Maslahatlashuv davomida mamlakat majlisi deputatlarining navbatdan tashqari parlament saylovlarining o’tkazilishi haqidagi tashabbusi ko’rib chiqildi.
Nazarboevning ta’kidlashicha, bu taklif qozog’istonliklar orasida katta qiziqish uyg’otdi va davlat tomonidan amalga oshirilayotgan chuqur islohotlar va dunyo bozorlaridagi vaziyatni hisobga olgan holda dolzarb hisoblanadi.
Nazarboev, shuningdek, tashabbus moliyaviy va tashkiliy harajatlarni oqilonalashtirib, majlis va maslahatlarga saylovlarni birlashtirishga imkon berishini aytdi.
To’qaevning ta’kidlashicha, bu taklif o’z vaqtida bildirilgan, chunki bugungi kunda majlis davlat oldida turgan vazifalarni bajarishi uchun xalqning yangi ishonchini qozonishi zarur.
