Vashington Eronga qarshi yadroviy dasturi bilan bog’liq joriy etilgan barcha sanktsiyalarni bekor qilgani haqida yakshanba kuni AQSh Davlat kotibi Jon Kerri ma’lum qildi.
Ayni vaqtda AQSh yadroviy dasturni bekor qilish bo’yicha erishilgan kelishuv (Eron va “Oltilik” kelishuvi) doirasida belgilangan majburiyatlarni bajarishga kirishgan.
Avvalroq MAGATE Eron tomonining kelishuv bo’yicha barcha talablarni bajargani to’g’risidagi hujjatni e’lon qilgan edi. Bu haqdagi MAGATE rahbari Yukiya Amanoning bayonoti shanba kuni tashkilot rasmiy saytida e’lon qilingan. Hozirda Eron masalasidagi hujjat MAGATE boshqaruvi Kengashi va BMT Xavfsizlik Kengashi tarafidan ko’rib chiqilishi uchun taqdim etilgan.
Bundan tashqari, Eronga nisbatan sanktsiyalarning bekor qilingani haqida YeI tashqi ishlar mahkamasi rahbari Federiki Mogerini va Eron tashqi ishlar vaziri Muxammad Javad Zarifning mushtarak bayonotida ham aytib o’tilgan.
