Tojikiston hukumati qabul qilgan yangi qarorga binoan, endilikda 40 yoshga to’lmagan fuqarolar haj ibodatini ado qilishlari mumkin emas.
Tojikiston hukumati qoshidagi din ishlari va milliy an’analar, marosimlarni tartibga solish bo’yicha qo’mita rahbari Husayn Shokirov shunday qaror qabul qilinganligini tasdiqladi.
Uning so’zlariga ko’ra, shu tariqa birinchi navbatda katta yoshdagi fuqarolarga haj ziyoratini amalga oshirishga imkon beriladi.
Turkiston:
Tojikiston tog’uti Imomali Rahmon ham Islom va musulmonlarga qarshi kurashda har qanday chegaradan o’tib ketmoqda. U ham O’zbekiston jallodi Karimov kabi Islomni jamiyatdan surib chiqarish uchun o’z imkoniyatidagi barcha uslub va vositalarni ishga solish orqali islom qadriyatlari va ko’rinishlarga qarshi ayovsiz kurash olib bormoqda.
Imomali Rahmon Karimovning izidan borib avval saqol va oq do’ppi, o’quvchi qizlarni ro’mollariga qarshi kurashgan bo’lsa, keyinchalik korxona, tashkilot va muassasalar xodimalaridan ishga hijobda kelmaslik talab qilib, jamoat joylarida hijobda yurgan muslima opa-singillarimiz ochiqchasiga taxqirlana boshlandi.
Imomali Rahmon ko’rsatmasi asosida din ishlari bo’yicha qo’mita 2015 yil aprel oyida 35 yoshga to’lmagan fuqarolarni haj ibodatiga yubormaslik to’g’risida qaror qabul qilgan bo’lsa, bugunga kelib bu cheklov 40 yosh qilib belgilandi.
Bu zolimlar o’zlariga berilgan hokimiyat va qudratdan faxrlangan holda Islom diniga qarshi kurashishayotgan bo’lsada, oxir oqibat ziyon ko’ruvchilardan bo’lib qolishlarini esdan chiqarishmoqda.
Alloh Taolo aytadi:
“(Ey Muhammad sollallohu alayhi va sallam), siz hargiz: “Alloh zolim kimsalarning qilayotgan amallaridan g’ofil”, deb o’ylamang! Faqat Alloh ularni(ng jazolarini) ko’zlar (dahshatdan) qotib qoladigan (qo’rqinchli Qiyomat) Kuniga qoldirmoqda, xolos” (Ibrohim: 42).
