Rossiyaning xavfsizlik bilan bog’liq yangi strategiyasida birinchi marta AQSh rus milliy xavfsizligiga tahdid, deya baholandi. Bu esa so’nggi yillarda Rossiya bilan G’arb o’rtasidagi aloqalarning buzilganligi belgisidir.
Rossiya prezidenti Vladimir Putin «Rossiya Federatsiyasi milliy xavfsizlik strategiyasiga oid», deya nomlangan yangi strategiya hujjatiga yangi yil kechasi imzo chekdi.
Bu yangi strategiya 2009 yil imzolangan sobiq strategiya o’rniga qabul qilindi. O’sha paytda Rossiya prezidenti bo’lgan bosh vazir Dmitriy Medvedev tomonidan imzolangan sobiq strategiyada AQSh tahdidi ham, NATO tahdidi ham qayd etilmagan.
Hujjatda qayd etilishicha, Rossiyaning xalqaro muammolar va davlatlararo kurashlarni hal etishdagi o’z rolini kuchaytirishga muvaffaq bo’lishi G’arb reaktsiyasiga sabab bo’ldi.
Hujjatda yana «milliy xavfsizlikka nisbatan … yangi tahdidlar xavf solgach, Rossiya o’z strategiyasini kuchaytirdi», deya qayd etildi.
Keyin hujjatda mustaqil siyosat yurgizish «xoh halqaro, xoh ichki siyosatda bo’lsin, AQSh va uning ittifoqchilarida qarshi reaktsiya paydo qilgani, chunki ular xalqaro masalalardagi o’z hukmronliklarini saqlab qolishga urinishayotgani» ham qo’shimcha qilindi.
Hujjatda bu narsa Rossiyaga nisbatan siyosiy, iqtisodiy, harbiy va axborotga oid bosimlarni olib kelishi ehtimoldan xoli emasligi ham ta’kidlanadi (Reyter axborot agentligi).
Roya gazetasining 2016 yil 6 yanvar
chorshanba kungi 59-sonidan
