Bir necha oylardan buyon Asad kuchlari va Hizbulloh armiyasining qamali ostida qolganligi bois 40 ming kishilik aholiga ega Madaya shaharchasida bir qancha insonlar, jumladan ma’sum go’daklar ochlik sababli hayotdan ko’z yumayotganligiga butun dunyo guvoh bo’lib turipti. Xalqning ochlikdan o’layotganini o’z ko’zi bilan ko’rib turgan mintaqadagi kasalxonaning bosh doktori Amir Bahran Madaya aholisining ayanchli vaziyati haqida BMTga maktub yo’llab undan yordam so’radi.
Madayada ochlikdan o’lgan odamlarning ahvoli haqida BMTga murojaat qilgan Janob Bahran o’zining maktubida oziq-ovqat mahsulotlari va tibbiy dori darmonlar zarurligi haqida yozdi. Shuningdek, doktor Bahran musulmon aholining yovvoyi o’tlar va zaytun daraxti barglarini eyishga majbur bo’lganligi uchun zaharlanganligi, shu bois dori etkazib berilishi zarur ekanligi haqida ham ma’lum qildi. Doktor Baxran ba’zi odamlarning chiqindilar, o’t-o’lanlar va mushuklar eyishga majbur bo’layotganligini ham ilova qilar ekan, BMTdan insoniy sharoitlarga yaxshilashga e’tibor qaratishni talab qildi.
Biroq doktor Bahranning yordam so’rab yo’llagan maktubiga BMTdan kutilmagan javob keldi. Madaya aholisi etti oydan buyon qamal qilinib kelinayotganiga qaramay, faqat bugunga kelib nomigagina harakatga kelgan BMTdan to’rt ko’z bilan insonparvarlik yordamini kutgan Doktor Bahranning BMT javobidan hafsalasi pir bo’ldi.
“2015 yilning 24 dekabridan yangi 2016 yilning 4 yanvariga qadar bayram ta’tilidamiz”, deyiladi jumladan doktor Bahranga BMT Bosh kotibining siyosiy ishlar bo’yicha mas’ul yordamchisi Jeffrey Feltmanning elektron mail adresi orqali kelgan javobida.
Turkiston:
Kufr olami dunyo etakchiligini o’z qo’lida qariyb bir asrdan ziyod ushlab kelayapti. Shu kunga kelib uning paymonasi to’lib tosha boshladi. Kufr sistemasi dunyoni boshqarish uchun yaroqsiz insoniy mabda asosiga qurilgan ekanligi sababli dunyo mamlakatlarining deyarli barchasida muammolar to’plana boshladi.
Mavjud olamiy sistema dunyoni ikki toifaviy standartlar bilan bo’lib qo’ydi. Birinchi toifaga – ularning ta’biri bilan aytganda – ilmoniy madaniyat sohiblari kiradi. Bu toifa vakili bo’lgan bir inson hatto yuzlagan odamni qirib yuborgan holida ham hibsxonada turib yoki Yevropa shaharlari markazida turib “men baliq eyishdan bosh tortaman” desa, butun davlat oyokka turadi. BMT ta’tilini yig’ishtirib, o’sha odamni sog’ligi haqida qayg’ura boshlaydi. Butun dunyo matbuoti, kecha kunduz o’sha odamning ahvoli haqida tinmay xabarlar tarqatib turadi. Atrofidagi insonlar unga g’amxo’rlik qilib, bu norozilikka uni undagan muammo nima ekaniga qiziqib, uning muammosini bartaraf etish uchun o’z hukumatlariga bosim bera boshlashadi.
Ikkinchi toifa odamlariga ular asosan uchinchi agrar davlatlar fuqorolarini kiritishadi. Bu toifa vakillari asosan dunyo sistemasining noto’g’ri deb bilgan yoki dunyo sistemasi mafkurasining asosi bo’lgan demokratiyani qabul qilishdan bosh tortib kelayotgan islomiy yurtlar vakillaridan iboratdir. Musulmonlar o’z ustilarida bir necha yuz yillar mobaynida kufr sistemasi bosib olib, ularni o’z e’tiqodlaridan voz kechishga undab kelayotganiga qaramay, hatto ular orasidagi kufr sistemasiga itdek xizmat qilib kelayotgan kimsalar ham o’z dinidan voz kechganlari yo’q.
Kufr olami etakchilarining musulmonlarni o’z e’tiqodlaridan voz kechira olmasliklariga aqllari etdi. Shuning uchun kufr sistemasi islomiy yurtlarda o’z mafkurasini chiroyli qilib ko’rsatish asosida ish olib borish loihalaridan voz kechib, dunyoni ochiq zo’ravonlik bilan boshqarish uslubiga o’tdi. U ochiqchasiga yuqoridagi kabi, insoniylik qiymatlaridan ham mahrum bo’lgan, xossatan musulmonlarni qahrlarini keltiradigan va taajjubda qoldiradigan bayonotlarni bemalol ayta boshladi. Matbuotlarida ham bir tomonlama, faqat musulmonlarning jinoiy hatti harakatlari aytilib, zulmlanayotgan musulmonlarni tarafini olib aytilgan barcha bayonot egalarini ham, shikoyatlarni ham, terroristik va yana bir qancha kufr atamalari bilan atashib, teskari tashviqotlar olib borishayapti.
Bularni barchasiga barham berishning yagona yo’li kufr sistemasidan voz kechib, faqat islomiy mabdaiy sistemani islomiy davlat sifatida hayotimizga qaytarish bilan bo’ladi. Bugungi Suriyaning Madaya shahrida halok bo’lib borayotgan odamlarga yordam berish uchun dunyo musulmonlari bir bo’lib, ularga hamdardlik bildirish bilan birga o’z yurtlarimizdagi saltanat egalaridan Madayaga qo’yilgan qurshovlarni yorib o’tishlarini va ularga har tomondan yordam ko’rsatishlarini talab qilishimiz kerak. Chunki bizga nisbatan ushbu kufr sistemasining hayvoniy muomilasi aynan sukut qilib turaverishimiz ortidan shakllangan.
To’palonlar ham hatto kufr sistemasi asosida yoki yordamida yoki homiyligida o’tishi mumkin emas. Chunki islomiy yurtlardagi musulmonlarning shu kundagi ayanchli ahvoli faqat shu kapitalistik olamiy sistemaning kasofatidan kelayapti. Shuning uchun biz dunyo musulmonlari hozircha omonlikda turganimizdan xotirjam o’tiravermay, o’z qo’llarimiz bilan saltanatni topshirib bergan hokimiyat egalaridan, boshqaruv ishlarida kufr sistemasini inkor qilib, yuqoridagi ifloslarcha muomilalarga raddiya tariqasida keskin munosabatlar ko’rsatishga chaqirishimiz lozim.
So’ng Alloh bizlardan rozi bo’lishidan va Madayadagi musulmonlarni tashlab qo’yganlar safiga qo’yib qo’ymasligidan umidvor bo’lib, harakatlarimizda davom etib boraverishimiz kerak. Alloh bizlarning zaifligimizni va kufrga tobe’ bo’lib, Alloh bergan Islom amonatini qo’llarimizdan tushurib yuborib, uni kufrga xor qildirib qo’yganimiz uchun hammamizni kechirishni va yana Islom dinini o’z o’rniga qaytarish uchun olib borayotgan harakatlarimizda nusrat berishini so’raymiz, Amiyn.
