“HaberIzmir” nashrining xabar qilishicha, Yevropa ittifoqi bilan erishilgan kelishuvga muvofiq, 2016 yilning iyun oyidan boshlab Turkiya YeIga a’zo bo’lmagan 89 davlat fuqarolari uchun viza tartibini joriy etadi. Mazkur qaror Turkiya va YeI o’rtasida imzolangan viza rejimini engillashtirish to’g’risidagi kelishuv doirasida qabul qilingan. Mazkur kelishuvga ko’ra, 2016 yilning kuzidan boshlab YeIga a’zo davlatlar bilan engillatilgan viza tartibiga o’tishi kerak.
Xabarlarga ko’ra, Turkiya viza tartibini joriy etuvchi davlatlar safida Qirg’iziston, Qozog’iston, O’zbekiston, Tojikiston, Turkmaniston, Rossiya, Ukraina, Ozarbayjon, Gruziya va boshqa davlatlar bor.
Turkiston:
Allohning dushmani Mustafo Kamol qo’li bilan Xalifalik davlati qulatilgach Turkiya butun e’tiborini qanday qilib bo’lsa ham G’arb davlatlari bilan yaqinlashishga qaratdi. Bu yaqinlashish yo’lida Turkiya har qanday xorlik va kamsitishlarga ham rozi bo’lib, G’arbdan azizlik va qudrat so’rab yalinib kelyapti.
Turkiya Yevropa Ittifoqiga a’zo bo’lish uchun 1987 yildayoq ariza topshirgan bo’lishiga , ular tomonidan qo’yilayotgan talablarni so’zsiz bajarishga intilayotgan bo’lsada, G’arb davlatlari uning oldiga yangidan-yangi talablarni qo’yib kelmoqda.
Avval YeI Turkiyadan mamlakat ichkarisida islohotlar o’tkazish, o’z o’lchovlaridan kelib chiqqan holda inson huquqlarini ta’minlashni talab qilishagan bo’lsa, keyinchalik Kipr respublikasi mustaqilligini tan olish, kurd masalasini hal qilish, 1915 yilda armanlarni genotsid qilganini tan olish kabi shartlarni qo’yishdi va ular qo’yayotgan talablarning xali oxiri ko’rinmaydi.
Azizlikni Allohdan emas, balki Allohning dushmanlari xuzuridan istayotgan Turkiya hukumati esa Yevropa ittifoqiga yaltoqlanishdan charchamayapti.
