O’tgan shanba kuni Turkiya tashqi ishlar vazirligi o’z bayonotida turk kuchlari Iroq shimolidagi Bashik lagerida joylashtirilgani sababli Iroq bilan «aloqalar yomonlashgani»ni tan oldi.
Vazirlik Turkiya lagerlari joylashgan Nineviya muhofazasidan ayrim kuchlarini ko’chirmoqchi ekanini qo’shimcha qildi. Ammo bu kuchlar qay tariqa va qaerga ko’chirilishini ochiqlamadi.
Ma’lumki, Anqara joriy dekabr oyi boshida Bashikka kuchlarini joylashtirib, bu Iroq kuchlariga mashq o’rgatish va ularni Islomiy Davlat tashkilotiga qarshi kurashga tayyorlash maqsadiga qaratilgan xalqaro missiya doirasida bo’lganini aytgan edi.
O’tgan hafta Anqara ayrim kuchlarini Iroqning Kurdiston viloyati ichkarisidagi boshqa bir bazaga olib chiqib ketgan bo’lsa-da, biroq Bag’dod ularning hammasi olib chiqib ketilishi zarurligini ta’kidlashda qattiq turibdi.
Turkiya tashqi ishlar vazirligi bayonotida bunday deyilgan: «Turkiya … o’z himoyachi kuchlarining joylashtirilishi sababli Iroq hukumati bilan munosabatlar yomonlashganini tan oladi», «Turkiya Iroqning xavfsirashini e’tiborga olib hamda IShIDga qarshi kurash talablari bilan muvofiqlashgan holda harbiy kuchlarini Nineviyadan ko’chirmoqchi…» (Reyter axborot agentligi).
Roya gazetasi sharhi:
Turkiyaning ayrim kuchlarini Bashikdan olib chiqib ketishi va ayrimlarini «ko’chirmoqchi» bo’layotgani uning Amerika talablariga itoat qilayotganiga dalolat qiladi. Bu esa Amerika prezidenti Barak Obamaning Turkiya «U erdagi qo’shinlarini olib chiqib ketishi hamda Iroq suvereniteti va hududiy yaxlitligini hurmat qilishi kerak» deya, Turkiya prezidenti Erdoganga qilgan talabidan ochiq ko’rinib turibdi. Aslida, Amerika ma’muriyatiga qulluq qiluvchi Iroq hukmdorlari ham agar Amerika tomonidan ko’k chiroq yoqib berilmaganda, ovozlarini ko’tarishmagan bo’lardi, albatta.
Roya gazetasining 2015 yil 23 dekabr chorshanba kungi 57-sonidan
