Xitoy hukumati Suriya bilan tuzilgan shartnomaga binoan Suriyaga besh ming askar yuboradi. Bu haqida “The European Union Times” axborot agentligi xabar tarqatdi.
Xabarda aytilishicha, Xitoy besh ming quruqlik kuchlarini Suriyaga yuborish haqida Damashq hukumat bilan ittifoq tuzgan. Agentlikka ko’ra, bu kuchlar Sharqiy Turkistonda uyg’ur musulmonlariga qarshi faoliyat yuritib kelgan “Sibir yo’lbarslari” va “Tungi yo’lbarslar” nomli maxsus guruhlardan iborat bo’lishi kutilmoqda.
Rossiya ommaviy axborot vositalari Xitoy qo’shinining Suriyaga safarbar qilinishi Xitoy milliy majlisi tomonidan qabul qilingan anti-terror qonunlar natijasi ekanligini olg’a surdi. Rus ommaviy axborot vositalarining da’vosiga ko’ra, Sharqiy Turkistonda ko’pchilikni tashkil etadigan uyg’ur musulmonlarining xorijda va davlat ichkarisida ta’siri oshganligi tufayli bunday chora-tadbirlarni kuchaytirmoqda.
24 dekabr kuni Xitoy Tashqi ishlar vaziri Van I Suriya Tashqi ishlar vaziri Valid Muallim bilan poytaxt Pekinda uchrashib o’zaro muzokara olib borgan edi. Muzokaralardan so’ng Xitoy hukumati tarafidan Suriyaga 6,2 million dollar yordam ajratishga qaror qilindi. Van I Xitoy hukumati kelajakda ham Suriyaga har qanday yordam ko’rsatishga tayyor ekanligini bildirdi.
