Suriyada musulmon aholiga nisbatan dahshatli qirg’inlar davom etar ekan, Eron, Hizbulloh, Rossiya va Asad kuchlari brgalikda navbatdagi qatliomni amalga oshirdi. Har tarafdan tinch fuqarolar nishonga olindi.
Suriya mahalliy qo’mitasi qo’lga kiritgan ma’lumotga ko’ra, oxirgi hujumlarda Suriya bo’ylab 74 kishi hayotdan ko’z yumgan. Halok bo’lganlar orasida yosh bolalar va ayollar ham bor. Mahalliy manbalardan olingan xabarlarda aytilishicha, rus hujumlaridan qochib Idlibning janubiy qishloqlaridan boshpana topgan qochqinlar lageri Rossiyaning qiruvchi samalyotlari tarafidan nishonga olingan. Vahimaga tushgan qochqinlar Idlibning sharqiy qismida joylashgan az-Zoviya tog’iga qochib o’tishga majbur bo’lishgan.
Suriya inson huquqlari tashkiloti e’lon qilgan hisobotga ko’ra, so’nggi kunlarda hujumlar yana ham ortgan. Rossiya harbiy samolyotlari dunyo ko’z o’ngida maktablar va shifoxonalarni nishonga olishda davom etmoqda. Bir necha kun avval Damashqning Mezze tumanida joylashgan bolalar bog’chasi havodan hujumga tutildi. Hujumda sakkiz nafar yosh bola hayotdan ko’z yumdi, 10 dan ortiq bola yaralandi.
Turkiston:
Mazkur qirg’inlar yanvar oyining oxirida o’tkazilishi belgilangan “Suriya muzokaralari”da chiqariladigan qarorlarga Suriya xalqini bo’y sundirishga majburlash uchun amalga oshirilmoqda. Bunday qirg’inlar yanada orttirilishi mumkin. Toki, qirg’indan tinkasi qurigan xalq AQSh boshchiligidagi muzokaralarda kelishilgan bitimlarga rozi bo’lsin va ilmoniylikka asoslangan o’tish davri hukumatini qabul qilsin.
Suriya xalqini G’arb davlatlari istaklariga bo’ysundirish va o’tish davri hukumatini qabul qildirish uchun bunday urinishlar avval ham bo’lib o’tgan edi. Masalan BMT va Arab davlatlari ligasining sobiq maxsus vakili Laxdar Brahimiyning “Tinchlik muzokaralari” loyisini amalga oshirish uchun hamda BMTning hozirgi vakili Steffan De Misturaning “Urushni muzlatish” loyihasini amalga oshirish uchun ham turli uslublar qo’llanilgan edi. O’sha paytda o’z loyihalarini amalga oshirish uchun aholi punktlarini qamal qilib oziq-ovqatsiz va suvsiz qoldirishdi. So’ng agar “Urushni muzlatish” loyihasini qabul qiladigan bo’lishsa, qarshiliksiz oziq ovqatlar etkazib berishni va’da qilishdi.
Biroq Suriya aholisi ochlikdan tinimsiz qurbonlar berishiga qaramay ularning bu istaklariga bo’ysunmadi. Oqibatda ularning barcha loyihalari samarasiz yakun topdi. Insha Alloh navbatdagi urinishlari ham puchga chiqishi aniqdir.