G’azo ahli «islomiy yurt» bo’lgan Misrdan Rafah tekshiruv punktini ochishni talab qilmoqdalar!!!
Xabar:
G’azodagi Falastin rejimiga qarashli Misr diplomatik vakolatxonasi oldida janubdagi Rafah quruqlik tekshiruv punktining mudom yopiq qolishiga qarshi norozilik namoyishi o’tkazildi.
Namoyishni «G’azo qamalini yorib o’tish» hay’ati uyushtirdi. Namoyish qatnashchilari G’azo aholisi boshdan kechirayotgan insoniy bo’hron ko’lamini kamaytirish uchun yo’lakni doimiy ravishda ochiq qoldirishga harakat qilish zarurligini talab qildilar.
Shuningdek, qatnashchilar Arab Davlatlari Ligasi bilan BMTdan Rafah tekshiruv punktini ochish va bu yo’lakning G’azoni dunyo bilan bog’lovchi yagona darvozasi bo’lganligi e’tiboridan, u erdagi transport qatnovi va harakatlanish erkinligi ta’minlanishini Misrdan talab qilishga chaqirdilar.
Bundan bir hafta oldin G’azo talabalaridan bir guruhi Rafahni ochib berishni hamda universitetga qatnab, to’xtab qolgan o’qishlarini davom ettirishlariga ruxsat berishni Misr hukumatidan talab qilishgan edi. Ular Rafah tekshiruv punkti oldida Islomiy Uyushma tomonidan tashkillashtirilgan ayni namoyishda «Bizning ta’lim bilan bog’liq kelajagimiz Rafah tekshiruv punktining berk qolishi bilan tahdid ostida qoldi» kabi so’zlar yozilgan plakatlarni ko’tarib chiqishdi (Al-Jazira net).
G’azo ahlining yahudiylar qamalida qolib, harakatlanishlari cheklab qo’yilgani islomiy yurt bo’lmish Azhar Misriga kifoya qilmagan ko’rinadi! U Sisiy hamda nafaqat islomiy birodarlikni, hatto insoniy va ma’naviy qadriyatlarni ham nazar-pisand qilmaydigan uning jinoyatchi to’dasi buyrug’i asosida g’azoliklar qamalini kuchaytirmoqda. Misr hukmdorlari Islom va musulmonlar dushmanlari siyosatini yurgizadigan malay bo’lgani uchun G’azoning musulmon xalqi islomiy yurt tomonidan qamal qilinmoqda. Biroq bu ishdagi javobgarlik Misr ahlidan soqit bo’ladimi?! Ular G’azo ahlining dindosh birodarlari bo’la turib, ularning Misr hukmdorlari tomonidan qamal qilinayotganiga sukut saqlashlari to’g’rimi?! Yo’q aslo! Islom ularga o’z hukmdorlaridan hisob talab qilib, ularga to’g’ri yo’lni ko’rsatishga buyuradi. Aks holda ular, og’ir gunoh va Allohning qattiq g’azabi ostida qoladilar. Rosululloh A bunday deganlar:
«كَلاَّ، وَاللهِ لَتَأْمُرُنَّ بالْمعْرُوفِ، وَلَتَنْهوُنَّ عَنِ الْمُنْكَرِ، ولَتَأْخُذُنَّ عَلَى يَدِ الظَّالِمِ، ولَتَأْطِرُنَّهُ عَلَى الْحَقِّ أَطْراً، ولَتقْصُرُنَّهُ عَلَى الْحَقِّ قَصْراً، أَوْ لَيَضْرِبَنَّ الله بقُلُوبِ بَعْضِكُمْ عَلَى بَعْضٍ، ثُمَّ لَيَلْعَنكُمْ كَمَا لَعَنَهُمْ»
«Yo’q, Allohga qasamki, sizlar ma’rufga buyurib, munkardan qaytarasizlar hamda zolimning qo’lidan ushlab, uni majburan haqqa bo’ysundirib, haqqa cheklab qo’yasizlar, aks holda Alloh ayrimingiz bilan ayrimingizning dillariga zarba beradi keyin sizlarni ham Banu Isroilni la’natlaganidek la’natlaydi» (Abu Dovud va Termiziy rivoyati).
Roya gazetasining 2015 yil 16 dekabr chorshanba kungi 56-sonidan.
