Prezident matbuot xizmatining xabar berishicha, Almazbek Atambaev 9 dekabr kuni Milliy xavfsizlik davlat qo’mitasi raisi Abdil Segizbaevni qabul qilib, mamlakatdagi xavfsizlik masalalarini muhokama qildi.
MXDQ raisi prezidentga terrorizmga qarshi olib borilayotgan kurash haqida hisobot berdi.
Bundan tashqari uchrashuv mobaynida Segizbaev MXDQning faoliyati, milliy xavfsizlikni ta’minlash bo’yicha qabul qilinayotgan keng ko’lamli chora-tadbirlar, shu jumladan, ekstermizm va terrorizmga qarshi kurash hamda aksilterror choralar samaradorligini oshirish borasida olib borilayotgan ishlar haqida xabar berdi.
Prezident va MXDQ rahbari fuqarolar xavfsizligini ta’minlash maqsadida terrorchi va ekstremistik guruhlar, shuningdek, ular bilan aloqador bo’lgan tashkilotlar faoliyatini aniqlash va oldini olish bo’yicha keyingi chora-tadbirlarni muhokama qilishdi.
Turkiston:
Segizbaev xarbiy odam emas. Uni MXDQga aloqador ishlarda xech qanday tajribasi yo’q, u bu soxa bo’yicha mutaxasis emas. Segizbaev Akaevning matbuot kotibi bo’lib ishlagan. U Akaev bilan birga qochib ketganlar safida bo’lgan. Uning baxtiga katta xolasining kuyovi Atambaev prizident bo’lib qoldi. Shunda u yana falakning gardishi bilan xokimiyat ishlariga aralasha boshladi.
Lekin xavfsizlikka aloqador ishlar bu kabi kontselyariya xizmatchilari qo’lida qolishi, mamlakatni o’ta xavotirli va tuturiqsiz xolatga olib kelib qo’yishi mumkin. Ular xavf xatarlarni xaqiqiy jinoyatchilardan emas balki yasama va buyurtma jinoiy elementlardan izlab, o’zidan yuqori xo’jayinlariga mutloq tobe’ bo’lib olishadi. Bu kabi etakchilar yuqori lavozimda qolishni o’zi uchun xayotiy masala qilib olganliklaridan, xar qanday xolatda xam faqat buyruqqa itoat qilishadi. Segizbaev xavfsizlik muammolarida xatto mutaxasislar maslaxatini tiniq tushuna olish layoqatiga xam ega emas.
Xavfsizlik masalasi bu kabi zaif odamlarning qo’lida bo’lsa, xar qanday nosog’lom korruptsiyalashgan yoki siyosiy jinoyatchi to’dalar, vaziyatdan foydalanib o’zlarining ilgarigi bir qator jinoyatlarini yopib olishda foydalanib qolishga xarakat qilishadi. Masalan, ochiq holda davom etib kelayotgan “yupi geyt” nomini olgan jinoiy ishini olaylik. Bu ish yaqinlashib kelayotgan prizidentlik saylovigacha yopilib ketishidan kimlardir manfaatdor. U nosog’lom kuchlar yaqinda Jumataevni qo’lga olish amaliyotida MXDQga o’z ta’sirlarini o’tkazishdi. Ular bu ishga Xizbni aybdor qila olamiz deb Segizbaevni ishontira olishgan bo’lishsa ajab emas. Negaki xozirdan shu yo’nalish bo’ylab matbuot yurishlarini boshlab yuborishdi. Ish egasi bo’lmagan odam, xatto dushmanchilik qilishda xam o’ta ko’p xatolarga yo’l qo’yaveradi. Oqibatda esa, oddiy xalq yoki mamlakat manfaatlariga qo’pol va ko’p ziyonlar olib kelib qo’yganini o’zi bilmay qoladi.
13 odamni otib o’ldirilishi bilan nixoyasiga etgan amaliyotda esa xali tergov boshlagani yo’q. U xam MXDQ va IIMning navbatdagi o’xshovsiz amaliyotlaridan biri bo’lgan. Bu ish xam sekin asta parda ortiga surib borilayapti.
Mamlakatda esa, xavfsizlik masalasi o’ta keskinlashib borayapti. Tashqi uchinchi kuchlar mustaqil o’zlari yoki MXDQ bilan xamkorlikda qo’poruv ishlari uyushtirib yuborish xaqida bosh qotirishayotgan bo’lishlari mumkin. Chunki ular Qirg’izistonni Musulmonlarga qarshi kengroq va ashaddiyroq kurashishga undashayapti. Matbuot xujumi avjiga chiqqanda esa, qo’poruvchilik amaliyoti uyushtirish bilan xuddi olovga kerosin sepib yuborgandek ish qilishlari mumkin.
Shuning uchun MXDQ xodimlari yasama o’ylab topilgan terroristlarni qidiravermay, xaqiqiy xavf xatarlarni oldini olish xaqida fikrlashlari lozim.
