Turkiya havo sarhadlarini buzgan Rossiyaning su-24 samalyoti urib tushirilishi sababli Rossiya prezidenti Vladimir Putin Turkiyaga qarshi iqtisodiy chora qo’llash haqidagi farmonga imzo chekdi. Kreml tarafidan chiqarilgan bayonotga ko’ra, farmonga binoan turk mollari uchun bojxona nazorati kuchaytiriladi. Shuningdek Turkiya bilan vizasiz rejim ham bekor qilinadi.
Bu orada Turkiya prezidenti Rajab Toyyib Erdug’on hodisa yuzasidan gaplashib olish uchun Rossiya prezidenti Vladimir Putinga qo’ng’iroq qilgan, biroq Putin telefonga javob bermagan. Bu haqida uning o’zi Frantsiyaning 24 kanaliga bildirdi.
Erdug’on uzr so’rashni keskin rad etgan bo’lsa ham, biroq bu voqeadan qattiq afsusda ekanligini ma’lum qildi. Turkiyaning Balikesir shahrida tashkil qilingan yig’ilishda nutq so’zlagan Erdogan Putin bilan til topishishga umid bildirdi.
“Bu hodisa bizni g’oyat qayg’uga soldi. Men bu voqeadan juda g’amga botdim. Biz bunday bo’lishini hech istamasdik. Lekin bo’lar ish bo’ldi. Umid qilamanki, boshqa takrorlanmaydi. Bu masala haqida surishtirib, muammoni hal qilamiz. 30 noyabr kuni Parij shahrida global iqlim o’zgarishiga bag’ishlangan sammit rejalashtirilgan. O’ylaymanki, bu Rossiya bilan aloqalarimizni qayta tiklash uchun janob Putin bilan uchrashishga qulay fursat yaratadi”, dedi Turkiya prezidenti.
Turkiya bosh vazirining noibi No”mon Qurtulmish ham Rossiya va Turkiya o’rtasidagi aloqaga putur etganidan so’ng yana qayta tiklanishiga umid birdirdi.
“Qiruvchi samalyotning urib tushirilishi qasddan amalga oshirilgan emas. Turkiya agar bu samalyot Rossiyaga qarashli ekanligini bilganida edi uni urib tushirmagan bo’lardi”, “Rossiya bilan o’rtamizda bir qancha iqtisodiy aloqalar mavjud. Kirish vizasini bekor qilish ham iqtisodiy aloqalar turiga kiradi. Anqara va Moskva o’rtasida hissiyotdan kelib chiqib, ba’zi chora tadbirlar ko’rilishi mumkin. Lekin umid qilamizki, bu tadbirlar uzoq davom etmaydi”, dedi Qurtulmish.
Rossiya su-24 samalyoti urib tushirilishi oqibatida Turkiyaga qarshi urush e’lon qilishi ehtimoldan uzoq bo’lsada, biroq o’zining obro’sini saqlab qolish uchun turli ishlarga qo’l urmoqda. Rus fuqarolarini Turkiyaga, turkiyaliklarni esa Rossiyaga bemalol safar qilishdan tiyib qo’yishi, Rossiyada faoliyat yuritayotgan turk ishbilarmonlarini mahkamaga tortishi shular jumlasidan. Ammo Turkiya avval boshda hodisa yuzasidan uzr so’rashni keskin rad qilib “agar kimdir uzr so’rash kerak bo’lsa, biz emas, havo sarhadlarimizni buzganlar uzr so’rashlari lozim”, deb turgan bo’lsada, ammo keyingi bayonotlarida yig’lagudek bo’lib yalinishga tushdi.
