Eron prezidenti Hasan Ruhoniy Isroilning “Rosh Hashana” nomli yangi yil bayrami bilan tabrikladi. Biroq Isroil askarlarining shu kunlarda Quddusda Al-Aqso masjidiga uyushtirgan hujumlari haqida og’iz ochmadi. Vaholangki, Isroil qurolli kuchlari aynan mana shu “Rosh Hashana” kunida Al-Aqso masjidiga tong mahaldan hujumni boshladi. Masjidga kelgan ko’pchilik musulmonlar jarohat oldi. Ular orasida yosh bolalar va ayollar ham bor. Al-Jazira muxbiriga ko’ra bosqinchilar 24 soat ichida 3 marta hujum uyushtirgan.
Isroil jamoatchiligi esa Ruhoniyning iliq so’zlari va duoyi salomlarini yuqori qayfiyatlar bilan qabul qildi. Ruhoniy o’zining tabrik va duosini ijtimoiy tarmoqlarda joriy qildi.
“Har ikki xalqning (Isroil va Eron xalqining) ildizi Ibrohim a.s.ga borib taqalishi bizlarga tinchlik va baxt saodat olib kelsin”, deyiladi Ruhoniyning tabrik va duosida.
Eron mas’ullari rasmiy yoki norasmiy shaklda Isroilga tahdid qiladigan va uni er yuzidan yo’q qilib yuborishga qaratilgan do’q-pupisalari bilan mashhur. Eron prezidenti bir tarafdan Isroilga qaynoq tabriklar yo’llagan bo’lsa, ikkinchi tarafdan Eron diniy rahbari Oyatullo Homanaiy o’zining “twitter” sahifasida Isroilninig qachon yo’q bo’lib ketish vaqtini e’lon qildi.
“25 yilgacha sionist rejimi degan narsa qolmaydi”, “Siz kelajak 25 yilni ko’rmaysiz”, “Insha Alloh kelgusi 25 yilda yahud rejimi xayotdan yo’q bo’ladi”, deya yozdi Eronning diniy rahbari.
Homanaiy AQSh bilan ham dushmanligini yashirmasligini bildirib, uning “katta shayton”ligini yana bir bor eslatib o’tdi.
“Biz ba’zi sabablarga ko’ra faqatgina yadro dasturi bo’yicha muzokaralarni qabul qildik. Alhamdulillah, bizning muzokrachilarimiz o’z vazifalarini yaxshi amalga oshirishdi. Imom Humayniy AQShni katta Shayton degan edi. Ba’zilar bu shaytonni farishtadek ko’rsatishga harakat qilmoqda. Eron xalqi bu shaytonni quvib yuborgan. Eshikdan quvilgan AQShning derazadan kirib kelishiga yo’l qo’ymaymiz”, deya qo’shimcha qildi u.
