Rossiya qurolli kuchlari Suriyada mujohidlarga qarshi oshkoro jang qilishni boshladi. Suriya davlat televideniyasi ham Rossiya harbiylari Asad uchun jang olib borayotganini qayta-qayta efirga uzatmoqda.
Shu hafta ichida Rossiyaga oid uch dona harbiy kargo samalyoti Suriyaning Latakiya shahriga kelib qo’ngan edi. Rossiya tashqi ishlar vaziri Sergey Lavrov Suriyaga insonparvarlik yordami bilan bir qatorda harbiy anjomlar ham yuborilganligini bildirdi. Lavrovga ko’ra, Suriyaning katta qismini egallab olgan terrorchi guruhlarga (mujohidlarga) qarshi birgalikda javob qaytarish alohida ahamiyatga molik ish hisoblanadi. Shuning uchun u Suriya masalasida salbiy oqibatlarga duch kelib qolmaslik uchun Rossiya va Amerika harbiylari bir biriga hamohang ravishda harakat olib borishlari lozimligini ta’kidladi.
Voshington Rossiyaning Suriyada harbiy baza tashkil qilib davlat kuchlari bilan birga muxoliflarga qarshi jang olib borishi mumkinligini aytmoqda. AQSh davlat kotibi Jon Kerri rossiyalik hamkasbi Sergey Lavrov bilan ikki marta telefon orqali suhbat o’tkazib, rus askarlari Suriyada beqarorlikni yana-da kuchaytirishi mumkinligidan ogohlantirdi. Ammo Oq uy matbuot kotibining yordamchisi Erik Shults matbuot anjumanida Rossiyaning bu qadamlari IShIDga qarshi bo’lsa, uni qo’llab quvvatlashini bildirdi.
