Uch yoshli Aylan va uning besh yoshli akasining Turkiya qumli qirg’og’ida o’lib yotgani surati tarqalgach, Yevropa davlatlari bong urdi, Yevropa komissiyasida qochqinlar bo’hroni masalasi qayta ko’tarildi.
Qaytadan yana muhojirlar masalasi ulkan hamjihatlik bilan qo’zg’atildi, go’yo O’rta Yer dengizidagi qochqinlar azob-uqubatlari bilan bog’liq bu holat birinchi marta qayd etilayotgandek. Qo’shni davlatlar bunday yirik oqim oldidan o’z sohillarini berkitib olishgach, xususan, mashaqqatli safarda suvga g’arq bo’lishlari natijasida yuzlab insoniy talofatlarga go’yo birinchi bor duch kelinayotgandek. Dengizda o’nlab qayiq bedarak yo’qoldi, muhojirlar bilan bog’liq dahshatli maqolalar tarqaldi, ayollar va bolalarning jamoiy qabrlari hamon xotiramizda turibdi. Ularning bor-yo’q «gunoh»lari Yevropa davlatlarining soxta chiroylariga, u erdagi haq-huquqlar va yolg’on erkinliklarga mahliyo bo’lishgani edi, xolos… Vaholanki, bularning hammasidagi soxtalik birinchi bor dengizning dahshatli to’lqinida g’arq bo’lish hodisasidayoq fosh bo’lgan.
G’arb va uning yordamchilari har qanday masalani o’zlari istagan vaqtda va muayyan siyosiy maqsadda qo’zg’ash bilan jamoatchilik fikrini chalg’itadi, o’zlarini odamlarga go’yo insonparvarlik yo’lida hamjihatlik bilan ishlashayotgan qilib ko’rsatadi. Ammo qayoqda ham insonparvar bo’lishsin bu rahbarlar. Axir, shu muhojirlar oqimi yuzaga kelishiga bosh sababchi o’shalar emasmi?! Chunki ular o’z manfaatlari yo’lida Shomdagi zolim baaschi rejimni qo’llab-quvvatlashdi, umrini uzaytirishdi. O’shalarning qo’llab-quvvatlovi hijrat qilayotgan shaxslar soni besh millionga etishidan va ularning aksari noqonuniy yo’l bilan hijrat qilishga hozirlanayotganidan, shuningdek, Iroq, Yaman va Liviyada urushlar kelib chiqqanidan darak bermoqda. Chunki ularning bir necha islomiy yurtlarda qasddan xavfsizlikni izdan chiqarishlari, iqtisodiy krizislar paydo qilishlari, irqiy va mazhabparastlik nizolarini qo’zg’ashlari kasrini shu muhojirlar o’z yurtlaridagi xavfsizliklari va hurmat-izzatlari bosim ostida qolishi bilan to’layaptilar. Natijada, xavfsiz deb o’ylashgan yurtlarga safar qildilar, biroq dengizda o’limga yuz tutdilar…
Islomiy yurtlar hukmdorlari mag’rur Shom yurtida ilk bor birinchi tomchi qon to’kilgandayoq bong ursalar, arzigulik ish bo’lardi! Ular – avval islomiy yurt bo’lgan – Vengriya politsiyachilari tomonidan erga yotqizilib xorlanayotgan ayol suratini birinchi marta ko’rishgandayoq shunday qilsalar, loyiq ish bo’lardi! Muhojirlar uchun hayvonlar qafasidan farq qilmaydigan jamloqlar tashkil qilingani, ammo ularning aksari boshpanasiz ochiqlikda qolib, kunlik emaklari bilan arang kun ko’rishayotgani to’g’risida ilk bor eshitishgandayoq shunday qilsalar arzigulik ish bo’lardi! Islomiy yurtlar chegaralarini ochishib, hammasini birlashtirishlari, shayton yo’liga kirib, Islom Ummati tinchligi va xavfsizligiga rahna solmoqchi bo’lgan har bir kimsani javobgarlikka tortishlari ulardan talab qilingan ish edi. Lekin bu juda-juda uzoq narsa, chunki nidoingizni tiriklar eshitadi, o’liklar qayoqda ham eshitishsin…
Siz musulmonlar, bu beg’ubor go’dak suratini ko’rishingizdan oldin ham suriyalik muhojirlar ahvoli to’g’risidagi xabarlarni eshitgan edingiz!? Suriya inson huquqlari tashkilotining nashr qilgan xabariga ko’ra, suriyaliklarning noqonuniy ko’chish paytida cho’kib o’lishlari hodisasiga asosan shu may oyida guvoh bo’lingan hamda 2011 yil oxiridan beri kamida 2150 nafar shaxs halok bo’lgan bo’lib, ularning 75 %i ayollar va bolalarni tashkil qilgan! Xo’sh, shularga nisbatan qo’rqoqlik va yordam berishga loqaydlik qilayotganingizni ertaga Haq Taoloning huzuriga borganingizda nima bilan oqlaysiz!?
Biz Hizb ut-Tahrir markaziy matbuot bo’limi ayollar qanoti vakilalari kattayu kichik barcha insonga shuni ta’kidlaymizki, ogoh bo’ling, nafaqat muhojirlar masalasi, balki bashariyatning barcha muammolari uchun real echim, butun insoniyat qalbiga xavfsizlik, tinchlik va xotirjamlik baxsh etuvchi odil tuzum bu – Payg’ambarlik minhoji asosidagi roshid Xalifalik tuzumidir. Alloh Taolo bunday dedi:
«Ey mo’minlar, Alloh va Rosuli sizni abadiy hayot beradigan narsaga da’vat qilgan paytda uni qabul qiling, bilingki, Alloh kishi bilan uning qalbi o’rtasini egallab turur va albatta Uning huzuriga to’planursizlar» [Anfol 24]
Hizb ut-Tahrirning markaziy matbuot bo’limi ayollar qismi
Uyali telefon: 00961 71 72 40 43
Faks: 00961 130 75 94
Elektron pochta: media@hizb-ut-tahrir.info
