2015 yil 20 avgustda Stavropol o’lkasidagi Irgakli qishlog’i imomi Zamirbek Maxmutovga suiqasd amaliyoti sodir etildi. Jamiyat faoli, mo’min birodarlari muammolariga qayg’uruvchan, Islom asoslarini rus hukumati hujumlaridan himoya qiladigan imomni shundoq masjid maydonida otib ketishdi. Rossiya siyosati tayanayotgan islomofobiyaga qarshi kurashayotgan xolis bir inson Allohning izni bilan halok bo’ldi. Yurtdagi yosh muslima qizlarning ro’mol o’rashdan man etilishiga qarshi kurashda boshlanish nuqta, deya baholanayotgan qishloqda halok bo’ldi.
Tergov xulosasidagi rasmiy ertak hech kimni qiziqtirmaydi, chunki suiqasd qurboni bo’lgan imomning yaqinlaridan biri janoza paytida «boshqa o’ldirilgan musulmonlar qatori Zamirbekning qotili ham rus rejimidan boshqasi emas», deb aytdi.
Musulmonlar qanday dushmanga duch kelganlarini allaqachon tushunganlar: imomlarning va faol musulmonlarning suiqasdga uchrashlari oddiy holga aylanib qolgan. Ayniqsa, so’nggi ikki hodisa ham Stavropol o’lkasida yuz bergan edi: 2014 yilning 14 iyunida Zamir Taibov xavfsizlik xodimlari tomonidan tergovga chaqirilishi ortidan o’lik holda topildi. 2014 yil 21 iyulda xavfsizlik xizmati xodimlari «qarshilik ko’rsatdi», degan dastak bilan huquq faoli Almaz Abdulnasrovni o’ldirishdi. Bu ikki jasadda ham og’ir qiynoq belgilari bor edi. Bu va boshqa ishlarning ko’rib chiqilishiga hech kim umid qilmaydi va shundoq ham, nimalar bo’layotganini hamma yaxshi tushunib turibdi.
Ayni mintaqaga xos bo’lgan bunday siyosat ekspertlarga yaxshi ma’lum va Kreml tomonidan qo’llab-quvvatlangan. Biz faqat bir hisobotni eslab o’tmoqchimiz, xolos. Bu hisobot 2013 yil milliy strategiyalar Instituti ishchilar guruhi tomonidan M. V. Ramizov muharrirligi ostida tayyorlangan. «Milliy va diniy tahdid xaritasi», deya nomlangan bu hisobotda janubiy mintaqaga nisbatan «janubdan keluvchi etnik siyosiy tahdidlarni tushunib etish va ularga qarshi mudofaa chizig’i sifatida kurashish» taklif qilingan. Bu tahdidning qandayligi hisobotning o’zida quyidagicha ochiqlangan: «Bu talablarga nisbatan hukumatning yon berishi samarasizdir, chunki (islomiy bo’lmagan bu mintaqadagi katta-katta shaharlar markazlarida masjidlar qurilishi, jamoat joylarida ro’mol o’rashga yo’l qo’yilishi va u yoki bu shaklda shariat qonunlarining tatbiq qilinishiga rozi bo’lish sababli) jamiyat islomlashib ketmoqda».
Stavropoldagi musulmon faollarga qarshi suiqasd qilinishiga hech bir sabab topilmayotgan bir paytda, u erda aynan islomofobiya strategik siyosati qo’llanayotgani shundoq ma’lum. Masalan, an’anaviy islomiy respublikalardan tashqarida Islomning yoyilishiga yo’l qo’yilmaydi, Stavropol bu respublikalar ichida alohida chegaradir. Rus hukumati sodir etgan va sodir etishi mumkin bo’lgan eng iflos ish, xavfsizlik xizmatlariga mana shunday iflos amaliyotlarni topshirayotganidir. Bu xavfsizlik xizmatlari taqiqlashni, o’g’irlab ketishni, qiynoqqa solishni va o’ldirishni qoyilmaqom qilib bajarishyapti. Bu siyosat muslima o’quvchi qizlarga qarshi qo’llanmoqda hamda aqlga sig’maydigan va Kreml tomonidan boshqarilayotgan bunday siyosat unga rozi bo’lmayotgan musulmonlarga qarshi qo’llanmoqda.
Hizb ut-Tahrirning Rossiyadagi matbuot bo’limi
Rasmiy sayt: www.hizb-russia.info
Elektron pochta: mediaoffice.htr@gmail.com
