Voshingtonda AQSh bosh shtab boshqarmasining rahbari General Martin Dempsi xalqaro aloqalarni e’tiborga olgan holda tayyorlangan xavfsizlik va mudofaa strotegiyasiga oid hujjatni taqdim qildi. Bunday hujjat taqdimoti eng oxirgi marta bundan to’rt yil avval 2011 yilda bo’lib o’tgan edi. Hozirgi taqdim qilingan strotegiya hujjatida “AQShning katta kuchlarga qarshi jangga kirish ehtimoli toboro ortib borayotgani” ma’lum qilindi. General Dempsining urg’ulashicha, bunday kurashdan buyuk oqibatlar kelib chiqishi mumkin.
20 sahifadan iborat hujjatda Moskva tarafidan Qrimni annektsiya qilinganligiga e’tibor qaratilar ekan, Rossiya boshqalarning suverinitetiga hurmatsizlik qilishda ayblandi.
“Rossiya qo’shnilarining mustaqilligini tan olmasligini va ko’zlagan maqsadiga etish uchun kuch ishlatishga tayyor ekanligini bir necha marta isbotladi”, deyiladi hujjatda.
Shuningdek hujjatda Ukraina sharqidagi ayirmachilar safida rus askarlari ham jang olib borayotgani olg’a surildi. AQSh armiyasining 2011 yilda taqdim qilingan strotegiyasiga oid hujjatda Rossiya haqida hech narsa deyilmagan edi.
Xitoy esa Osiyo-Tinch okeani mintaqasida tangliklarga sabab bo’lishda ayblandi. Taqdimotga ko’ra, Xitoy hukumati Janubiy Xitoy dengizi va Sharqiy Xitoy dengizidagi ba’zi orollarning suveriniteti borasida Yaponiya kabi qo’shni davlatlar bilan tanglikni boshdan kechirmoqda.
AQShning strotegiyasiga oid mazkur hujjatda yadro dasturiga ega bo’lgan Eron va Shimoliy Koreya davlatlari xavfsizlik uchun jiddiy tashvishlarga sabab bo’layotgan davlatlar sifatida tilga olinadi.
