Hizb ut-Tahrir – Turkiya viloyati 10 may yakshanba kuni Islom dushmani Karimov va zolim Rossiya hukumati bilan Xitoy hukumatining musulmonlarga nisbatan qo’llayotgan repressiv siyosatiga qarshi “Turkistonni himoyasiz tashlab qo’ymaymiz” nomli yurish tashkil qilindi. Faol yigitlarning tashabbusi bilan o’ta tartibli ravishda amalga oshirilgan yurish kutilganidan ham ko’p insonlarning ishtirokida bo’lib o’tdi. Yurishda “Yeni Akit” gazetasining yozuvchisi Ahmet Varol, “Uyg’ur” axborot agentligi va tadqiqot markazining rahbari Hamid Ko’kturk, Istambul tafkir institutining rahbari Mustafo Shatiro’g’li, Sharqiy Turkiston maorif harakatining rahbari Hidoyat O’g’uzhon, O’zbeklar ittifoqining bosh kotibi Aliboy Yo’lyaxshiev, ilohiyotchi yozuvchi Abdurrahmon Shon kabi taniqli insonlar ham ishtirok etishdi.
Sarachxona maydonida yig’ilgan insonlar qarshisida so’zga chiqqan Hizb ut-Tahrir – Turkiya viloyati matbuot bo’limining rahbari Mahmud Qor Sharqiy Turkiston va O’rta Osiyo davlatlarida davom etayotgan zulmlar haqida so’z yuritar ekan, u zolim hukmatlarga yaqin kunda tiklanajak Xalifalik davlati oldida javob berishlarini eslatib o’tdi. Shuningdek. Mahmud Qor Turkiya davlat rahbarlariga xitob qilib mazlum musulmonlarni yordamsiz tashlab qo’ymaslikka chaqirdi.
“Falastindan O’zbekistongacha, Suriyadan Sharqiy Turkistongacha bo’lgan musulmonlar sizlarni yordamga chorlamoqda. Sizlar ularning birodarlari emasmisizlar?! Turkistonga yordam deganda faqat yodgorliklarni ta’mirlash va yo’l qurishlarni tushunasizlarmi? Yoki bu zulmlardan sizlarning xabaringiz yo’qmi? Alloh va Rosuli uchun ulardan voz kechmang”, deya xitob qildi Mahmud Qor Turkiya hokimiyatini egallab turgan kishilarga.
