Ukraina sharqidagi rossiyaparast kuchlarga qarshi olib borilayotgan amaliyotlarni o’z ichiga olgan “Terrorga qarshi kurash” markazining so’zchisi Andrey Lsenko AQSh armiyasining 173 otryadiga qarashli 300 nafar askar Ukrainaning Lvov shahriga kelib tushganligini ma’lum qildi.
Lsenkoning bergan bayonotiga ko’ra, AQShdan kelgan 300 nafar dengiz piyoda askar Ukraina qurolli kuchlarini harbiy mashg’ulotdan o’tkazadi. Undan so’ngra esa AQSh va Ukraina harbiylari Lvovdagi Yavorvskiy harbiy poligonda tashkil qilinadigan mushtarak harbiy manyovrga ishtirok etishadi.
Amerkalik harbiylar kelgusi haftadan e’tiboran mamlakat janubidagi Lvov shahri yaqinida joylashgan Harbiy poligonda 900 Ukraina askarlarini harbiy mashg’ulotdan o’tkazishni boshlaydi. Uch bosqichdan iborat harbiy mashg’ulotning har bir bosqichi sakkiz haftadan davom etadi. Harbiy mashg’ulot tamomlangandan so’ng xuddi shu poligonning o’zida AQSh va Ukraina harbiylari hamkorlikda harbiy manyovr o’tkazishadi.
Bundan avval Ukraina prezidenti Petro Poroshenko bilan AQSh prezidentining maslahatchisi Jo Bayden o’rtasida Amerika harbiylari tarafidan Ukraina qurolli kuchlarini harbiy mashg’ulotdan o’tkazish va ikki davlat o’rtasida mushtarak harbiy manyovr o’tkashiz haqidagi bitimga imzo chekishgan edi.
Ukraina tuproqlariga xorijiy askarlarning o’rnashuvini “Tahlika” sifatida baholagan Rossiya prezidentining matbuot kotibi Dmitriy Peskov AQSh harbiylarining Ukrainaga kelishi u erdagi vaziyatning izdan chiqishiga sabab bo’lishidan ogohlantirdi.
“Ukrainada uchinchi tarafning harbiylari va mutaxassislarining mavjud bo’lib turishi bitimning amalga oshishi uchun formula qilib belgilangan muhitga to’g’ri kelmaydi, aksincha, vaziyatni izdan chiqishiga olib keladi”, dedi Rossiya prezidentining matbuot kotibi.
Rossiya tashqi ishlar vazirligi ham bayonot chiqarib AQSh hariylarining Ukrainaga kiritilishi aslo tinchlik olib kelmaslinigi bildirdi.
“AQSh hukumati Ukrainada o’z harbiylarini joylashtirish orqali rus harbiylarining Donbassadagi vujudi haqida qilinayotgan og’zaki da’volarni yana ham alangalashtirishga harakat qilmoqda. Aslida esa Lvov mintaqasidagi Pentagon harbiylaridan farqli ravishda Rossiya hariylarini hech kim ko’rgan emas. AQSh harbiylarining Ukraina tuproqlariga tinchlik olib kelmasligi ochiq ko’rinib turipti”, deyiladi Rossiya tashqi ishlar vazirligi tarafidan chiqarilgan bayonotda.
Turkiston:
Bundan avvalroq, AQShning Yevropadagi qurolli kuchlari qo’mondoni Xodjes tomonidan, “Rossiyadan taxdid taxmin emas, xaqiqat” deb NATOga a’zo davlatlarni birlashishga chaqirgan edi. Endi Ukrainaga askarlarini olib kira boshladi. Bu AQShning klassik uslubi bo’lib, dunyodagi zaif davlatlarni bosib olish uchun, avval yolg’on vaxima paydo qiladi, so’ng xarbiy mustamlaka qilib olish uchun askar olib kira boshlaydi.
Rossiya nima qilishi mumkin. U noqulay axvolda qoldi. Agar rasman urush ochsa yoki u xam mintaqaga askar olib kira boshlasa, AQShning ilgarigi ko’targan vaximalarini tasdiqlagan bo’ladi. U xolatda Rossiya, NATO kuchlari uchun butunlay Ukrainaga kirib olishlariga muxit yaratib bergan bo’ladi. Tek qarab turadigan bo’lsa, AQSh Qrimni so’ray boshlaydi. Undan tashqari Rossiya chegarasi tomonga NATOning ba’zalarini olib kira boshlaydi.
AQSh qaltis xarakat olib borayapti. Lekin xar safardagidek, qaltislikdan kutiladigan xavf xatar, boshqa yurt va xalq ustiga tushadi. Rossiya xaqiqatda urush ochib yuborishi mumkin. Lekin bu urush AQSh aytayotganidek ilgaridan re’jalashganidan emas. Balki AQSh tomonidan uni provokatsiya qilinganidan boshlanishi mumkin.
