Rossiya prezidenti Vladimir Putin Rossiya muftilar kengashining rahbari Ravil G’ayniddinni uchinchi darajali “Vatanga oliy xizmat” ordeni bilan mukofotladi.
23 mart kuni Prezident Putin tarafidan imzolangan qarorga ko’ra, Ravil G’ayniddin jamiyat ichida millatlararo va dinlararo tinchlik va uyg’unlikka o’z hissasini qo’shganligi tufayli bu mukofotga loyiq deb topilgan.
Rossiya muftilar kengashining rahbari Ravil G’ayniddin 2009 yilning avgust oyida ham o’sha vaqtagi prezident Dimitriy Medvedov tarafidan to’rtinchi darajali “Vatanga oliy xizmat” ordeni bilan mukofotlangan edi.
Shu bilan bir qatorda muftiy G’ayniddin dinlararo totuvlik, milliy bardamlik va xalqlarni ma’naviy jonlantirishda jonbozlik ko’rsatganligi uchun “Do’stlik” ordeni kabi Rossiya federatsiyasining boshqa bir qancha ordenlarini ham qo’lga kiritgan.
Rossiya muftilar kengashi barcha mavzularda hukumat yuritayotgan butun siyosatga uyg’un faoliyat olib borish bilan tanilgan.
Turkiston:
Rossiya kabi, kufr davlati tomonidan berilayotgan bunday mukofotlar, Mu’min Musulmon uchun sharaf bo’lishi mumkinmi?
Mo”min uchun, Rossiya mustamlakachi kufr davlati olib borayotgan siyosat bilan uyg’un faoliyat olib borishi nimani anglatadi?
Umuman, kufr asosida yoki g’oyriislomiy siyosat yurgizayotgan hukumatlar bilan uyg’unlikda olib borilayotgan faoliyatlar islomiy bo’lishi mumkinmi?
Islom bilan kufr birgalikda, bir yo’nalish bo’ylab, hamkorlik bilan insoniyatni ustida siyosat olib borib, ularni hidoyatga muvaffaq qilishi mumkinmi?
Agar yuqoridagi muammolarning birortasi uchun mumkin degan muolaja topilganida edi, Payg’ambarimiz Muhammad SAV kofirlarning “bir kun sen o’z dining bilan hammamizni boshqar, bir kun biz boshqaraylik” degan takliflarini qabul qilib, musulmonlarni qiynoq va qatli ommlardan qutqarib qolgan bo’lar edilar. Hazrati Bilol bunchalar xo’rlanib, Yosirning ota onasi vahshiylarcha o’ldirilmagan bo’lar edilar. Abu Muttolib o’z qabilasi bilan, Payg’ambarimiz SAVni himoya qilish uchun U SAV kishi va yana bir qancha Musulmonlar bilan birgalikda uch yil och va yalong’och qamalda qolib qiynalishmas edi!
Biz “Ahlisunna val jamo’a”danmiz yoki Hanafiy mazhabidanmiz deb jar solayotib, sunnatga muvofiq, ustilarimizda kufr turgan holida, Payg’ambarimiz SAV va sahobai kiromlarning 13 yil davom etgan yagona hujjat bo’lgan Makkadagi kufr boshqaruvi ostidagi hayotlarida o’zlarini qanday tutganlaridan o’rnak olishga majburmiz. Majburligimiz, ularning tariqatlari bo’ylab borishimiz bilan, bizlarning ham boshimizga ularga kelgan balolarga o’xshash sinovlar ham birga kelishi aniq. Bu balolardan bizni faqat kazzoblik, fosiqlik, zolimlik, johillik, munofiqlik kabi illatlargina qutqarib qolishi mumkin. Ollohning o’zi saqlasin.
Yuqoridagi muftiy va unga o’xshagan boshqa Musulmonlarga, iymoninglarni arzimas dunyo matolariga almashtirmanglar deyishimiz vojib. Payg’ambarimiz SAV “munkarni ko’rganlaringda qo’llaring bilan qaytaringlar, qodir bo’lmasalaring tillaring bilan, unga ham qodir bo’lmasalaring qalblaring bilan qaytaring, bu iymonning eng zaifi” dedilar. Shuning uchun yuqoridagi kabi xiyonatlar kufr tomonidan taqdirlanilayotganida va buni sharaf deb qabul qilishimizni xohlashayotganida, har bir Mo”min Musulmon imkoniyati doirasida o’z munosabatini bildirishi vojib. Agar imkoniyatlari zaif bo’lsa yoki qo’rquv g’olib kelib qolsa, hech bo’lmaganda iymonini saqlab qolish uchun, munkardan nafratlanib turishimiz vojib.
Fitna zamoni keldi. Ya’ni Islomni, qo’lida cho’g’ni ushlab turgandek ushlab kelayotganlarga qarshilikliklar o’ta kuchayib borayapti. Asosiysi bu kurashda, Musulmonlarni kufr bilan birlashishga (fitnaga) targ’ib qilish kuchaytirib yuboriladi. Payg’ambarimiz SAV shu fitna kunlari kelishini bashorat qilib, “uylaringda hatto daraxtlarning tomirini eb kun ko’rib bo’lsa ham, fitnadan saqlaninglar” dedilar.
