“Sharh.uz” saytining xabar qio’ishicha, AQShning xarbiy mutaxassislari guruhi Ukrainaga 20 aprelda tashrif buyuradi. Bu haqda Ukraina prezident ma’muriyati rahbari o’rinbosari Valeriy Chaliy ma’lum qilgan.
U shuningdek, AQSh hamkorligidan mamnunligini, garchi Ukraina bundan ham ko’prog’ini kutganini aytib o’tgan.
Ukraina hududida 2015 yil bir qator ukrain-amerika o’quv mashg’ulotlari o’tkazilishi rejalashtirilgan bo’lib, ular qatorida “Fearless Guardian -2015” (2,2 ming ishtirokchi, ulardan 1 minggi AQSh harbiylari), “Sea Breeze – 2015” (2,5 ming ishtirokchi, shundan 1 minggi AQSh harbiylari va 500 nafari NATO harbiylari) va “Saber Guardian/Rapid Trident – 2015” (2,1 ming ishtirokchi, ulardan 500 nafari AQSh harbiylari va 600 nafari NATO harbiylari) kabi o’quvlardir.
Turkiston:
Rossiya tomonidan Qrimni anneksiya qilib olinishi, Donetsk va Luganskdagi ayrimachilarni maxfiy ravishda qo’llab-quvvatlashi ortidan AQSh kongresida Ukrainaga harbiy ko’mak ko’rsatish masalasi tez-tez ko’tarila boshlangan va hatto kongress prezident Barak Obama ma’muriyatiga Ukrainaga qurol etkazishni tavsiya etuvchi rezolyutsiyani qabul qilgan edi.
Bundan tashqari AQSh hukumati Rossiya va Ukraina bilan chegaradosh bo’lgan Shimoliy Atantik ittifoqi (NATO)ga a’zo bo’lgan davlatlarni rus bosqinidan himoya qilish bahonasi bilan Yevropa hududida o’z harbiy ishtirokini yanada kuchaytirib olishga harakat qilib kelayotgan bo’lib, o’tkaziladigan mazkur harbiy mashg’ulotlar ham shu rejani bir qismi hisoblanadi.
O’z navbatida AQSh boshchiligida Rossiyaga qarshi joriy etilgan iqtisodiy cheklovlardan ko’proq Yevropa davlatlari ziyon ko’rishayotgani sababli, Rossiya bilan kelishgan holda AQShning ko’ziga cho’p solmoqchi bo’lishdi. 16 mart kuni Sankt-Peterburg shahrida prezident Putin bilan uchrashgan Almazbek Atambaev 23 martdan 1 aprelga qadar Yevropa davlatlari bo’ylab ish safarini boshlab yubordi. Atambaev bu safarda Putin topshirig’ini bajargani hamda Yevropa bilan Rossiya o’rtasida ko’prik vazifasini bajarib Rossiyaga sotish yoki sotib olish mumkin bo’lmagan maxsulotlarni Qirg’iziston orqali amalga olish rejasi uchun zamin hozirlab olmoqchi bo’lishdi.
Rossiya va Yevropa davlatlari tomonidan sodir etilgan o’zboshimchalikdan g’azablangan AQSh Eronga nisbatan 12 yildan beri qo’llanib kelinayotgan jazo choralarini bekor qilish taklifini ilgari sura boshladi va go’yoki Eron hukumati “oltilik”davlatlari tomonidan qo’yilgan talablarni bajarishga rozi bo’lgani, yadro dasturidan voz kechganligi uchun jazo choralarini asta sekinlik bilan bekor qilishilikka kelishib olindi.
Eronga nisbatan joriy etilgan jazo choralari, shu jumladan Eron nefti embargosi bekor qilinishi to’g’risidagi xabar ma’lum bo’lishi bilan jahon bozorida neft narxi 5 foizga arzonladi.
“Bloomberg” nashri ma’lumotiga ko’ra, Eron neft qazib olish bo’yicha dunyoda to’rtinchi o’rinni egallaydi va jazo choralari joriy etulgunga qadar eksport uchun kuniga 2,5 million barrel etkazib berib kelgan. Jazo choralari joriy etilgandan keyin esa neft qazib olish kuniga 1 million barrelga tushib ketgan. Eron hukumati cheklovlar bekor qilinadigan bo’lsa neft etkazib berishni avvalgi miqdorga chiqarishga tayyor ekanligini ma’lum qildi. Mutaxassislarning fikricha, Eronga qarshi joriy etilgan neft embargosini bekor qilinishi neft narxini har barreliga 10-20 dollarga arzonlashishiga olib keladi. Bu esa o’z navbatida iqtisodi neftga bog’liq bo’lib qolgan va shundoq ham moliyaviy qiyinchiliklar iskanjasida qolgan Rossiya uchun ko’ngilsiz natijalarni vujudga keltiradi.
