Suriya poytaxti Damashq atrofida tobora ta’siri ortib borayotgan “Jayshul Islom” jihodiy guruhining rahbari Zehran Allushning bildirishicha, AQSh hukumati bilan Suriya rejimi o’rtasida kelishim tuzilgan. Kelishimga ko’ra, AQSh va Asad rejimi o’rtasida Damashq atrofini muxolif guruhlardan tozalash ustida qaror qilingan.
“Markaziy razvedka byurosining (MRBning) mas’ul xodimlari bilan Suriya rejimining mansabdor shaxslari o’rtasida yig’ilish bo’lib o’tdi. Asadning odamlari bilan MRBning mas’ul xodimlari Damashq atrofidagi 40 km masofani Mujohidlardan tozalashga kelishib olishdi”, dedi “Jayshul Islom” jihodiy guruhining qo’mondoni.
Shuningdek Jihodiy guruh rahbari Zehran Allush G’uta shahrining qamal qilinishiga va u erdagi musulmonlarning ochlikdan o’layotganiligiga nisbatan butun dunyo e’tiborsiz qolayotganini qattiq tanqid ostiga oldi. Kobanini G’utaga qiyoslagan Allush jahon ommaviy axborot vositalarini ham yolg’onchilikda aybladi.
“Jayshul Islom” qo’mondoni Asad rejimi tarafidan qamal qilinishi oqibatida musulmonlar ochlikdan o’layotganiga e’tiborni jalb qilar ekan, butun dunyo bunga e’tibor bermay, faqat Kobaniga qarab qolgani haqida so’z yuritdi. Qo’mondonga ko’ra, bu sohada jahon ommaviy axborot vositalari katta rol o’ynab bermoqda.
“Kichkinagina bir shahar. Ismi Kobani. Butun dunyo to’planib o’sha shahar haqida gap yuritishmoqda. Barcha ommaviy axborot vositalari faqat o’sha er haqida xabar tarqatishmoqda. Ammo G’utada nima bo’layotgani haqida hech kim qiziqmaydi. G’uta tamoman Rejimning qamali ostida. U erga havodan hujumlar uyushtirmoqda. Biroq bu erdagi hodisalarga Kobani hodisalariga qaralganidek, e’tibor berilmayapti. Ommaviy axborot vositalari yolg’on xabarlar tarqatishmoqda. Bu erda (G’utada) bo’layotgan hodisalar haqida hech biri gapirishmaydi. Topgan-bilgani Kobani. Chunki bu erda sunniy musulmonlar bor, chunki bu erda musulmonlarning suvoriylari bor”, deya ommaviy axborot vositalarini tanqid qildi “Jayshul Islom” jihodiy guruhining qo’mondoni Zehran Allush.
