Har birimiz bu dunyoda yashar ekanmiz yashash uchun kurash tuyg’usidan kelib chiqqan holda jonimiz, molimiz, sharaf va nomusimizni himoya qilishga butun vujudimiz bilan intilamiz. Mabodo biror kimsa bizning bu narsalarimizga tajovvuz qilgudek bo’lsa, unga qarshi o’z imkoniyatimizdagi barcha uslub va chorlarni qo’llab unga qarshi chiqishga, amaldagi qonunlardan foydalangan holda toptalgan haq-huquqlarimizni o’z o’rniga qo’yishga intilamiz.
Ammo, biz musulmonlar uchun o’zidan, ota-onasi va farzandlaridan-da ustun bo’lgan Buyuk Alloh taolo tomonidan butun olamlar uchun Rahmat qilib yuborilgan payg’ambarimiz Muhammad sallollahu alayhi va sallam haqir kimsalar tomonidan tahqirlanib kelayotganiga esa go’yoki hech narsa bo’lmagandek sukut saqlab kelmoqdamiz.
Holbuki, Imom Buxoriyning “Sahih”ida Anas roziyallohu anhudan rivoyat qilingan hadisda Rasululloh sollallohu alayhi vasallam “Hech biringiz iymon keltirmaydi, magaram men ularning ota-onasidan, farzandlaridan va barcha odamlardan mahbub bo’lmagunimgacha”, deganlar.
Barchamizga ma’lumki, 2015 yilning 7 yanvar kuni Frantsiya poytaxti Parij shahrida insonlarning eng aziz va mukarrami bo’lgan Rasullulloh soollallohu alayhi va sallamni mazah qilish bilan nom chiqargan “Sharli Ebdo” haftalik jurnaliga hujum uyushtirildi. Mazkur hujum natijasida jurnalning 10 xodimi va ikki nafar politsiyachi xalok bo’ldi. Bu hujum ortidan Frantsiya va Yevropaning boshqa davlatlarida Islom va musulmonlarga qarshi keng ko’lamli norozilik namoyishlari va hujumlar boshlanib ketdi.
2006 yilga kelib iqtisodiy inqroz iskanjasiga tushib qolgan “Sharli Ebdo” jurnali o’zining iqtisodiy jihatdan izga solib olish uchun Payg’ambarimiz sallollahu alayhi va sallamni xaqorat qiluvchi suratlarni chop etgan va shu yo’l bilan 30 mingtaga tushib ketgan jurnal sonini 60 mingtagacha ko’tarib olishga muvaffaq bo’lgan edi. 7 yanvarda bo’lib o’tgan hujum ortidan esa jurnal Payhambarimiz sollallohu alayhi va sallam xaqorat qilingan sonni 3 million nushada chop etib, bu kulfatdan ham moddiy manfaat undirib olish payida bo’ldi.
Xaqir kimsalar tomonidan payg’ambarimiz Muhammad sallollahu alayhi va sallamni yana bir bor xaqorat qilinishiga qarshi bugungi kunda aksariyat islomiy o’lkalarda norozilik namoyishlari o’tkazilmoqda.
Islom va musulmonlar dushmanlari tomonidan olib borilayotgan bunday fitnakash harakatlarga qarshi bo’lgan Qirg’izistonning g’ayur musulmonlari tomonidan 2015 yilning 20 yanvar kuni Bishkek shahridagi Gorkiy nomidagi istrohat bog’i (Sport saroyining orqasi)da soat 12:00 dan soat 13:00 gacha “Men Payg’ambarim sallollahu alayhi va sallamni yaxshi ko’raman” nomli tadbir o’tkazib, insonlarni eng buyugi bo’lgan payg’ambarimiz Muhammad sallollahu alayhi va sallamni sevuvchi va xurmat qiluvchi har bir musulmonni bu tadbirda ishtirok etish orqali Islom dushmanlarining bunday razil harakatlariga qarshi o’z munosabatlarini bildirishga chaqirmoqdalar.
Zero, Abu Said al-Xudriy roziyallohu anhudan rivoyat qilingan hadisda Payg’ambarimiz sallollahu alayhi va sallam: “Sizlardan kim bir munkarni ko’rsa, uni qo’li bilan o’zgartirsin. Agar qodir bo’lmasa tili bilan (o’zgartirsin), unga ham qodir bo’lmasa qalbi bilan (yomon ko’rsin), mana shu iymonning eng zaifidir”, deganlar. (Imom Muslim rivoyati).
