Xalqaro sanktsiyalarning joriy qilinishi va neft narxlarining jahon bozorida tushib ketishi sababli og’ir ahvolga tushib qolgan Rossiya 2015 yilda kutilayotgan turg’unlik yuz bermasidan avval davlat banklarini Islomiy bank sohasiga burish uchun tayyorgarlik ko’rayotgani aytilmoqda.
“RIA Novosti” axborot agentligining xabar qilishicha, Rossiyaning “Vneshekonombank” davlat taraqqiyot banki ilk qimmatbaho qog’ozlarini qanday sotishni amalga oshirish mavzusida O’rta sharq banklaridan tavsiya oladi.
Dubaydagi tijorat kengashining rahbari Igor Yegorov bayonot berib, banklar Islomiy yo’nalish tizimini o’rganib chiqayotganligini bildirdi.
“Banklar va tashkilotlar bu sohani o’rganib chiqib bozorga qanday kirib borish mumkinligini aniqlashga harakat qilishmoqda. Bu ular uchun xususan 1-2 yil ichida juda muhimdir. Zero sanktsiyalarning barcha ta’sirini hozircha ko’rganimiz yo’q”, dedi kengash rahbari.
Tijorat kengashining bildirishicha, rublning qadrsizlanishi rus shirkatlari va banklarining Islomiy bank sohasi tomon yo’nalishiga turtki bo’lgan. Rossiya banklarining muqobil sistemani izlashi AQSh boshchiligida joriy qilingan sanktsiya Gazprombank va VTB bank ochik aktsionerlik jamiyati kabi tashkilotlarni qanday sarosimaga solib qo’yganligini ko’rsatmoqda. Siyosatshunoslar banklar va moliya tizimi barqaror tura olishi uchun “Kreditni kafolatlash agentligi” banklardan hissa olishini ta’minlovchi qonun chiqarishdi.
Markaziy bank rahbari Elvira Nabiullina 26 noyabrda bergan bayonotida Rossiya uchun Islomiy bank sohasiga aloqador tartib qoidani kiritish haqida bosh qotirilayotganini bildirgan edi.
