Rasmiy Vashington dunyo mamlakatlarini Moskva bilan hamkorlik qilishdan voz kechishga chaqirib, Rossiya bilan erishilayotgan yangi kelishuvlarni kuzatib borayotganligi to’g’risida ogohlantirdi.
AQSh davlat departamenti vakilasi Jen Psaki Vashingtonda bo’lib o’tgan brifingda, “Biz avvalgidek barcha mamlakatlarni Rossiya bilan tijorat qilmaslikka chaqiramiz”, – dedi va Vashington Moskvaning yangi kelishuvlarini kuzatishda davom etayotganini qo’shimcha qildi.
Uning mazkur so’zlari Rossiyaga qarshi qo’llanilayotgan sanktsiyalarga dunyo davlatlarini ham qo’shilishga chaqiriqmi, deb berilgan savolga “yo’q” deb javob bergan Psaki, “vaziyatni hisobga olib” ayni vaqtda Rossiya bilan odatdagidek ish olib borish kerak emas, -dedi.
Jen Psakining mazkur bayonoti Rossiya prezidenti Vladimir Putinni kuni kecha Hindistonga amalga oshirgan tashrifidan so’ng yangradi. Mazkur tashrif davomida Hindiston va Rossiya o’rtasida 16 hujjat imzolandi. Imzolangan hujjatlar qatorida “Kudankulam” AESini uchinchi va to’rtinchi bloklarini barpo etish to’g’risidagi kelishuv ham bor.
Brifing davomida Jen Psaki Hintistonni AQShning “muhim hamkori” sifatida baholab, Dexli va Moskva o’rtasidagi hamkorlik Barak Obamaning mazkur mamlakatga amalga oshirishi rejalashtirilgan tashrifiga to’sqinlik qilmasligini ta’kidlab o’tdi.
Turkiston:
AQSh xaddidan oshib borayaptimi, yoki xaqiqatdan xam dunyo xamjamiyati uning manfaati uchun o’z manfaatlaridan voz kechib yuboradigan darajada unga tobe’ bo’lib qoldimi? Rossiya tarixda Asad, Muborak, Kazzofiy Saddam kabi diktatorlarga qurol sotish va boshqa maxfiy iqtisodiy aloqalar olib borgan. U Xizbullox kabi AQShning terroristik ro’yxatida turgan jamoa’larga yordam berib keladi. Eron bilan yadro energetik aloqalaridan tashqari Suriya masalasida AQShning ba’zi choralariga qarshi chiqishga jur’at qilgan edi. Rossiya Afg’onistonda Tolibon xukumatiga qarshi bir necha jangari jamo’alarni ochiqdan ochiq qo’llab kelgani xech kimga sir emas. Nega endi Ukraina masalasida unga qarshi jiddiy choralar qo’llana boshladi. E’tibor bersanggiz, bu choralar juda sezilarli natijalarga qarab ketayotganini ko’ramiz. Rossiya yaqinda, shu ketish davom etaversa, jiddiy muammolarga uchrashi aniq. Demak u shu xolatidan chiqish uchun, AQShning talablariga yurishga majbur bo’lishi mumkin. Savol tug’iladi, nega yuqoridagi xalqaro bosim berish choralarini, Rossiya Suriyada minglagan begunox insonlar, jumladan bolalarning o’limida Asadni qo’llab quvvatlayotganida foydalanmadi. AQSh o’shanda, Rossiyaga buyuk davlat singari muomila qilib, u qo’ygan barcha vetolarini qattiq inobatga olib, uning yonida qo’llab turgan Xitoy va Eron kabi o’ziga tobe’ davlatlarni xam Rossiya bilan aloqalariga zarba qilgan emas edi. Demak AQSh, xalqaro siyosatda gegemon, yakka etakchi davlatga aylandi. Rossiya esa aksincha, zaif agrar davlatlar darajasiga qarab qulab bormoqda. AQSh xar qanday davlatni, faqat o’z manfaatlari tomon yo’nalayotgan xarakatlarinigina qo’llab quvvatlaydi. Shunda u ularni o’z xoliga tashlab qo’yadi yoki zimdan qo’llab yuboradi. Ba’zi davlatlar xatto o’z xarakatlarini AQShning manfaatlariga mutanosib olib borayotganini yashirish maqsadida, bayonotlar qilib AQShga fikran qarshi ekanlarini nomoyon qilishadi Eron Turkiya…. kabi. Rossiya oxirgi vaqtda Turkiya Xitoy va Indiya kabi bir necha yo’nalishlardagi giopolitik axvolini o’nglashga qattiq xarakat qila boshladi. Bu esa AQShni xavotirlantirmay qo’ymaydi. U albatta shu davlatlarga bosim berish richaglaridan foydalanib, Rossiyaning rejalarini buzishga urunadi.
