Rossiya prezidenti Vladimir Putin toboro yomonlashib borayotgan davlat iqtisodini tiklash uchun qirqqa yaqin oligarxlardan yordam so’radi.
Putin ustivor rus tadbirkorlarini bir erga to’plab mamlakat yuz tutgan og’ir iqtisodiy vaziyat haqida ma’lumot berdi. Putinga ko’ra, iqtisodni yo’lga solish uchun Rossiyaning ichki holatidan foydalanish lozim.
“Bir birimizga dastak bo’laylik. Rossiyada iqtisodiy jarayonni izga solish va neft qaramligiga chek qo’yish uchun fursatdan foydalanaylik”, “Oldimizda qiyin vazifalar turipti. Rivojlanish davrining og’ir bosqichidan o’tishga majbur bo’lishimiz mumkin. Buni muvaffaqiyatli amalga oshira oladigan bo’lsak, bundan oxirgi 15-20 yildan buyon oldimizda turgan eng muhim vazifani bajarish va iqtisodni har tomonlama rivojlantirish uchun foydalanishimiz mumkin”, dedi Putin qirqqa yaqin oligarxlar to’plangan yig’inda.
Rossiya hukumati oligarhlarga ehtiyoj sezayotganiga ishora qilgan Putin “Barchamiz bir birimizga dastak bo’lishimiz uchun va davlat ish bilarmonlar dunyosini his qilishi uchun bu erda to’plandik”, dedi.
Katta sarmoyadorlar, bank va shirkat egalari ishtirok etgan yig’ilishda mashhur oligarx Roman Abromovich, Alfa bankining rahbari Pyotr Aven, Lukoyl neft kompaniyasining boshlig’i Vagit Alekperov, shuningdek Viktor Vekselberg, Oleg Deripaska, Suleyman Kerimov, Aleksandr Mamut, Vladimir Potanin, Mixail Proxorov, Gennadiy Timchenko kabi milliarderlar o’rin oldi. Oralarida uy qamog’iga hukm qilingan va qisqa muddatga ozod qilingan Vladimir Yevtushenkov ham borligi diqqatni tortdi.
Yig’ilishda Kremlning idoriy ishlar rahbari Sergey Ivanov, bosh vazir yordamchisi Igor Shuvalov, Putinning maslahatchisi Andrey Belousov va Rossiya markaziy bankining rahbari Yelvira Nabilluna ham ishtirok etdi. Bosh vazir yordamchisi Igor Shuvalov yig’ilishda ishtirok etayotgan tadbirkorlardan yarmi o’zining do’sti ekanligini va ular Putinning taklifini ijobiy qabul qilishiga ishonishini bildirdi.
Yig’ilishda Putin oligarxlarga Rossiya qiyin kunlarni engib o’tishi uchun xorijdagi pullarining bir qismini mamlakatga qaytarib, bir fond tashkil qilish siyosatini taklif qilganligi aytilmoqda.
