Iqtisodiy taraqqiyot va savdo vazirligi matbuot xizmatining xabar qilishicha, Tojikiston hukumati sentyabr oyida Afg’onistonga 175,5 million kVt/soat elektr energiyasi etkazib berdi. Bu ko’rsatkich o’tgan yilning shu vaqtiga solishtirganda 36,3 million kVt/soatga ko’p bo’lib, mamlakatda ishlab chiqarilgan yalpi elektr energiyaning 12,9 foizini tashkil etadi.
Xabarga ko’ra, sentyabr oyida “Barki tojik” xolding kompaniyasiga qarashli GESlarda 1,3 milliard kVt/soatdan ortiq elektr energiyasi ishlab chiqarilgan va kunlik ishlab chiqarilagan elektr toki 45,2 million kVt/soatni tashkil etgan.
Turkiston:
Tojikistonning energetika sohasi asosan GESlarga suyanganligi sababli qish oylarida elektr enegriyasida taqchilliklar yuzaga keladi. Shu sababli har yili oktyabr oyidan aprel oyigacha aholiga elektr etkazib berishda cheklovlar kiritiladi. Biroq, o’z xalqiga elektr etkazib berishni qisqartirish yoki umuman bermaslik orqali bo’lsada rasmiy hukumat boshqa davlatlar bilan tuzilgan kelishuvlar asosida elektr etkazib berishni to’xtatmaydi.
Rasmiy hisobotga ko’ra, Tojikiston qo’shni Afg’onistonga birgina 2013 yil noyabr oyida 45 million kVt/soat elektr energiyasi sotgan. Bu esa 2012 yilning ayni shu vaqtiga solishtirganda 3,3 mln.kVt/soatga ko’p. Umumiy hisobda Tojikiston 2013 yil mobaynida Afg’onistonga 1 milliard kilovatt- saoatdan ko’proq elektr energiyasi sotgan. 2014 yilda ham tojik hukumati Afg’onistonga etkazib berayotgan elektr energiyasini oydan-oyga oshirib bormoqda.
