“Albatta iymon keltirib yaxshi amallar qilgan zotlar uchun Rahmon do’stlikni (barqaror) qilur” (Maryam: 96).
Ahmad chiqargan hadisda Mus’ab ibn Sa’d otasidan rivoyat qiladi: “Men: “Ey Rasululloh, qaysi odamlarga balo qattiqroq bo’ladi”, deb so’ragan edim, u kishi:
الأَنْبِيَاءُ ثُمَّ الصَّالِحُونَ ثُمَّ الأَمْثَلُ فَالأَمْثَلُ مِنْ النَّاسِ يُبْتَلَى الرَّجُلُ عَلَى حَسَبِ دِينِهِ فَإِنْ كَانَ فِي دِينِهِ صَلاَبَةٌ زِيدَ فِي بَلاَئِهِ وَإِنْ كَانَ فِي دِينِهِ رِقَّةٌ خُفِّفَ عَنْهُ وَمَا يَزَالُ الْبَلاَءُ بِالْعَبْدِ حَتَّى يَمْشِيَ عَلَى ظَهْرِ الأَرْضِ لَيْسَ عَلَيْهِ خَطِيئَةٌ
“Payg’ambarlarga, keyin solihlarga, keyin ularga o’xshashlarga va o’xshashlarning o’xshashlariga va hokazo. Kishi diniga qarab baloga uchraydi, agar dinida salobat bo’lsa, balolanishi ham ortadi, agar dinida bo’shlik bo’lsa, balolanishi ham engil bo’ladi. Banda to er yuzida hech bir xatosiz yuradigan bo’lguniga qadar balolanib boraveradi”, deb javob berdilar.
O’zi suygan va O’zi tanlagan Haq dinda sobit bo’lgan musulmonlarga sinov berish Alloh Subhanahu va Taoloning sunnati bo’lib, Alloh bandasiga iymoniga qarab sinov beradi.
Islom dinida sobit, o’zi uchun yaxshi ko’rgan narsani boshqalarga ham ilinib yashovchi birodarlarimizdan biri Umurzoqov Yahyo 2014 yilning 17 sentyabr kuni zolim qamog’idan ozodlikka chiqdi.
Allohning dinida sabot bilan turgan, haq dinni odamlarga etkazish uchun tinim bilmay faoliyat qilgan birodarimiz Yahyoga ham Alloh o’zining sinovlarini ketma-ket yubordi.
Dastlab, 2006 yilning avgust oyida Qirg’iziston kuch organlari tomonidan Umurzoqov Yahyoning uyida tintuv o’tkaziladi va o’n dona snayper o’qi tashlab qo’yilib, hibsga olinadi. Bunga sabab Yahyoning insonlarga Islomni faqatgina axloq va ibodatdan iborat bo’lgan din emas, balki o’z tuzumiga ega bo’lgan mabda sifatida tushuntirib kelayotgan Hizb ut-Tahrir safida faoliyat olib borgani edi. U 52 kun mobaynida Qorasuv ichki ishlar bo’limining vaqtinchalik saqlash hibsxonasida ushlab turildi. Ozodlikka chiqqach Yahyo o’z da’vat faoliyatni yana davom ettiraverdi.
Shu sababli 2008 yilda ichki ishlar xodimlari uyini navbatdagi tintuv qilish “tashrif” buyurishadi. Biroq Yahyoning o’zi uyida yo’q bo’lgani sababli kuch organlari qonunni buzgan holda uning ayoli va o’g’lini olib ketishadi. Yahyo ayoli va o’g’lini ozod qilish uchun ichki ishlar bo’limiga borgan vaqtda uni Qirg’iziston jinoyat kodeksining 299 modda 1 qismi (etnik, diniy va millatlararo nizo keltirib chiqarishga urinish) aybi bilan hibsga olib, ayoli va o’g’lini qo’yib yuborishadi. Yahyo qamoqdaligi vaqtda uning ayolini militsiya xodimlari ko’chada to’xtatib, “qo’lingdan nima ish keldi, endi seni ham kuningni ko’rsatamiz” deya tahdid qilishadi. Yahyo mazkur ayblov bilan besh oy O’sh shahar ichki ishlar bo’limining vaqtinchalik saqlash hibsxonasida ushlab turiladi. Bu ishlarning barchasini Alloh tomonidan o’zi uchun bir sinov sifatida qabul qilgan Yahyo ikkinchi marotaba ozodlikka chiqqanidan so’ng ham o’z da’vatini to’xtatmadi.
Uning da’vat faoliyatidan o’z tinchini yo’qotgan rasmiy hukumat buyrug’i bilan 2011 yili tong saharda Yahyoning uyini militsiya xodimlari yana qaytadan bosib, tintuv o’tkazishadi va hibsga olishadi. Keyinchalik bo’lib o’tgan sud majlisi Yahyoni 299.1 modda bilan ayblab sakkiz yilga ozodlikdan mahrum etdi.
Yahyo Bishkek shahridagi Belovodsk va Pakrovka qamoqxonalarida nohaq tayinlangan jazo muddatini o’tadi. Qamoqxonalardan birida qo’shni kameradan chiqqan “taqiqlangan” kitob bilan Yahyoni ayblashga harakat qilib ko’rishadi. Yahyoning o’z haq-huqularini himoya qilish maqsadida Qirg’iziston ombudsmeniga qilgan murojaati ombudsmen tomonidan e’tiborsiz qoldiriladi.
Belgilangan sakkiz yillik jazo muddatining uch yilu uch oyini o’tab bo’lgach Alloh taolo birodarimiz Yahyoga o’z engilligini ato etdi va birodarimiz 2014 yilning 17 sentyabr kuni ozodlikka chiqdi. Uning qamoqdan chiqishi safdoshlari va butun xalq tomonidan katta xursandchilik bilan kutib olindi. Xalq uni huddi qahramonni kutib olgandek kutib oldi. Aslida ham shunday edi. O’zm uchun emas, yoki birovning haqqiga tajovuz qilib emas, balki ummatni zulmatdan nurga olib chiqish uchun zolim hukumat tomonidan qamoqqa tashlangan edi. Xalq buni anglab etgani uchun ham uni qahramonlardek kutib oldi.
Yahyoning ozodlikka chiqish munosabati bilan uyushtirilgan ehsonda Qorasuv shahrining yuzlab odamlari ishtirok etishdi. Uch kun mobaynida uyi ziyorat uchun keluvchilardan arimadi.
Alloh Taolo o’zining suygan bandasiga sinov bergani kabi ularni xalq ichida aziz ham qilib qo’yadi.
Zero, Nabiy sollallohu alayhi va sallam aytganlar: “Kim odamlarni g’azablantirib turib, Allohni rozi qilsa, Alloh u uchun odamlarga kifoya qiladi. Kim odamlarni rozi qilaman deb Allohni g’azablantirsa, Alloh uni odamlarga topshirib qo’yadi”.
