NATOning Izmirda joylashgan quruqlik kuchlari qo’mondoni General-leytenant Frederik Xodjes Suriyada kechayotgan hodisalar NATO ittifoqi tarafidan diqqat bilan yaqindan kuzatib borilayotganini ma’lum qilar ekan, 5 moddaning “juda muhim” ekanligini bildirdi.
“Albatta, agar Turkiya hujumga uchrasa NATO ittifoqiga a’zo boshqa davlatlar Turkiyaga dastak berish uchun tayyordir”, dedi Xodjes.
Amerikaning poytaxti Voshingtondagi chet el matbuot markazida muxbirlarning savollariga javob bergan Xodjes Turkiya davlati NATO ittifoqining eng qadimgi a’zolaridan biri ekanligini va geografik jihatdan dunyoning eng muhim nuqtasida joylashganligini urg’uladi. Shuningdek, Xodjes Turkiyaning 1952 yilda NATO ittifoqiga a’zo bo’lganligini va o’sha paytdan buyon uning kuchli, xavfsiz a’zosiga aylanganligini eslatib o’tdi.
Xodjes NATO ittifoqining Izmirdagi qarorgohi ham eng uzoq vaqtdan buyon ya’ni Napalyon davridan so’ng o’z faoliyatini davom ettirib kelayotgan qarorgoh ekanligiga ishora qildi. Xodjesga ko’ra, bu Turkiyaning NATOga, NATOning esa Turkiyaga mustahkam bog’liqligini ko’rsatadi.
Xodjes NATOning bosh maqsadi haqida gapirar ekan, NATO o’z ittifoqdoshlarining mushtarak xavfsizligini ta’minlashiga va NATOga a’zo davlatlar bir birini mudofaa qilishiga daqqatni tortdi. Xodjesning qayd etishicha, Turkiya hukumati 2012 yil bahor oylarining oxirida Suriyadan kelayotgan tahdidlar qarshisida NATOdan rasman yordam talab qilgan. Xodjes Turkiyaning bu talabidan so’ng NATOga a’zo boshqa 27 davlatning roziligi bilan uch oy muddat ichida uchta davlat tarafidan Turkiya hududida Patrol raketa mudofaa tizimi joylashtirilganligini va bu missiya hozir ham davom etayotganligini tilga olib o’tdi.
“Bu holat NATOga a’zo davlatlar Turkiyaga yordam ko’rsatish majburiyatini olganligiga yorqin dalildir. Bu tizimning Turkiyaga bunchalik qisqa bir vaqt ichida qurilishi va qish mavsumining o’rtasida ishga tayyor holga kelitirlishi NATO ittifoqining irodasi, birligi va ulkan imkoniyatlarga egaligiga dalildir. Mudofaa qilinayotgan Kaxramanmarash, Gaziantep va Adana shaharlariga Suriya tarafidan birorta ham raketa hujumi sodir etilmagan bo’lsa ham Patrol mudofaa tizimining missiyasi davom etishi aslo unitilmasligi lozim”, dedi NATOning Izmirdagi qo’mondoni General-leytenant Frederik Xodjes.
Bundan avval NATO bosh kotibi Andres Fog Rasmussen Suriyadagi kimyoviy qurollar mamlakatdan olib chiqib ketilishi ortidan Turkiyadagi Patriot batariyalariga ehtiyoj qolmaganligiga oid fikrlarga qo’shilmasligini bildirgan edi.
Rasmussenga ko’ra, Suriyada kimyoviy qurollar mavjud bo’lsa ham, bo’lmasa ham, Patriot mudofaa tizimi o’z joyida qolishi lozim. Chunki u har qanday raketa hujumlaridan himoya qilish maqsadida o’rnatilgandir.
