Keyingi paytlarda “Iroq va Shom Islom davlati” jamoasi Iroqda faollashib borayotgani kuzatilmoqda. Ular Mosul va Tikrit va bundan boshqa bir nechta shaharlarni qo’lga kiritib, Poytaxt Bag’dod sari ildam harakat qilishayotgani xabarlarda tarqaldi. Shaharni qo’lga kiritgan mujohidlar turmalardagi mahbuslarni ozodlikka chiqarib yuborishgan. Naynavo bo’lkasining gubernatori Atil Nujayfi xalqqa qurol tarqatib mujohidlarga qarshi jang qilishga buyurganiga qaramay, hukumat kuchlari va politsiyachilar postlarini va ish joylarini tashlab qochishga majbur bo’lishgan.
“New York Times” axborot agentligi tarqatgan xabarga ko’ra, voqeaning bunday tus olishidan xavotirga tushgan Iroq bosh vaziri al-Malikiy maxfiy suratda Obama idorasiga murojaat qilib, mujohidlarning qo’liga o’tgan erlarga osmondan zarba berishni so’ragan.
Bu hodisaga o’z munosabatini bildirgan AQSh prezidenti Barak Obama Iroqqa askar yubormasligini, ammo xalqaro xavfsizlik kuchlari tayyorlayotgan boshqa bir qancha variantlar borligini bildirdi.
“Iroq shaharlarini qo’lga kiritgan terroristlar oxir-oqibat Qo’shma shtatlarning milliy xavfsizligi uchun tahdidga aylanishi mumkin. Men variantlar tayyor turishini talab qildim”. “Iroqqa xarbiy askarlarimizni yubormaymiz. Iroq xalqi o’z qarorini o’zi berishi lozim”, dedi Barak Obama.
Ayni paytda shiyalarning oliy diniy rahbari Oyatulloh Ali Sistoniy Karbaloda qilgan juma xutbasida xalqni qo’liga qurol olib sunniy mujohidlarga qarshi jang qilishga da’vat qilgan.
So’ngi xabarlarga ko’ra, Iroq harbiy kuchlari Salohiddin viloyatining markazi Tikrit shahri va Bekka rayoniga havodan hujum uyushtirgan. Hujum oqibatida 40 kishi halok bo’lgani va 30 kishi jarohat olgani aytilmoqda
