QR Hukumati mamlakatning Bojxona ittifoqiga qo’shilishi bo’yicha Yo’l haritasi loyihasini ma’qulladi. Bu haqda 12- mayda QR Iqtisod vaziri Temir Sariev jurnalistlarga ma’lum qilgan. Uning so’zlariga ko’ra, loyiha endi Jo’korgu Keneshga yuboriladi hamda Iqtisodiy siyosat bo’yicha qo’mitada qarab chiqiladi.
“Integratsiya jarayoni avvalroq boshlangan, jumladan, 2007 yilning 6 oktyabrida ittifoqni tuzish bo’yicha qaror qabul qilinib, 2010 yilning 1 yanvaridan boshlab Bojxona ittifoqining barcha qonuniy bazasi ishlay boshlagan. Qozog’iston ittifoqqa 2011 yilning 1 iyulida qo’shilgan. Qirg’iziston 2011 yilda ariza berib, o’sha yilning oktyabr oyida ijobiy javob olgan. Ariza qabul qilingach, komissiya tuzish taklif etilgan, shuningdek yo’l haritasini tuzish bo’yicha ishlar boshlangan. Ishchi guruhning 9 ta majlisi bo’lib o’tgan bo’lib, unda barcha masalalar qarab chiqilgan. 6 aprelda idoralararo komissiya yig’ilishi bo’lib o’tib, loyiha protokol asosida ma’qullangan” , – deydi u.
Uning qo’shimcha qilishicha, Hukumat tso’l haritasi chora-tadbirlarini moliyalashtirish mexanizmlarini hamda Qirg’iziston iqtisodiyotining Bojxona ittifoqi shartlarida ishlash yuzasidan ko’nikmalar hosil qilishi ustidan ish olib borishda davom etadi.
12- mayda bo’lib o’tgan hukumatning navbatdagi majlisida Qirg’izistonning Bojxona ittifoqiga kirishi hamda integratsiyaga qo’shilishi haqidagi Qirg’iziston arizasining loyihasi yopiq eshik ortida qarab chiqilgan.
