AQSh davlat kotibi Jon Kerri yakshanba kuni Parijda Rossiyalik hamkasbi Sergey Lavrov bilan uchrashdi. Ammo Ukraina masalasini hal qilish mavzusida ikki bosh vazir o’rtasida kechgan muzokara yana natijasiz yakunlandi.
Kerri uchrashuv ortidan bergan bayonotda Rossiya bilan bir fikrga kela olmaganligini bildirdi.
“Ukraina ustida bo’ladigan haqiqiy kelishim shundan iboratki, unga ko’ra, chegarada keng bir shaklda harbiy tartibsizlik uyushtirgan rus armiyasi ortga qaytishi va bu ish mutlaqo yopilishi lozim. Men harbiy kuchlar mavzusida jiddiy andishamni bu kecha Rossiyalik hamkasbimga bildirdim. Biz bu harbiylar qo’rquv va tinchsizlik keltirib chiqarayapti degan fikrdamiz”, dedi Kerri.
Sergey Lavrov esa uchrashuvdan so’ng rus matbuotiga bergan bayonotida Moskva va Voshington Ukraina masalasini hal qilish uchun Ukraina hukumati va xalqi bilan ishlash mavzusida bir fikrga kelganligini bildirdi.
Bu uchrashuv AQSh proezidenti Barak Obama bilan Rossiya prezidenti Vladimir Putin telefon orqali so’zlashuv olib borgandan keyin bo’lib o’tdi. Xabarlarga ko’ra, AQSh rahbari Saudiya Arabistoniga borgan paytda Prezident Putin unga telefon qilib Ukraina borasida gaplashgan va ikki mamlakat rahbarining telefon muloqoti bir soat davom etgan. Obamaning Putindan qilgan talabi Kerrining yuqoridagi talabi bilan bir xil bo’lgani aytiladi xabarda.
