Turkiya chegaralari yaqinida kechgan shiddatli janglarda Bashar Asadning bir qancha askarlari jumladan Asad oilasidan to’rt kishi o’ldirilganligi xabar qilindi. O’lganlar orasida Asadning amakivachchasi Hilol Asad ham borligi aytilmoqda.
Suriya davlatiga qarashli SINA axborot agentligi ham “shabbiha” qo’mondoni va Suriya mudofaa kuchlari rahbari bo’lgan Hilol Asadning o’ldirilganligi haqida xabar tarqatdi.
Huquq faollarining aytishicha Hilol Asad odamlarni qamoqqa olish, azoblash va norasmiy mahkama uyushtirishda o’zining qattiq qo’lligi bilan tanilgan shaxs bo’lgan.
Reytr axborot agentligi Suriyadagi inson huquqlari tashkilotiga tayanib xabar qilishicha, Hilol Asad yonidagi ettita odami bilan Jabhatun-Nusra va Jayshul-Islom guruhlariga qarshi jang paytida o’ldirilgan.
Shuningdek, bu janglarda tinch aholidan iborat yosh bolalar, ayollar va qariyalarni ayovsiz qirg’in qilishda bor kuchini ayamagan yana bir general er tishladi. Asad rejimining ko’zga ko’ringan Generallaridan biri bo’lgan Sami Abbos Suriyaning katta shaharlaridan biri bo’lgan Halabning Layromoun mintaqasida Asad kuchlari bilan mujohidlar o’rtasida kechgan jangda o’ldirildi. General Sami Abbos Bashar Asadning ukasi Mohir Asadning o’ng qo’li sifatida tanilgan general hisoblanadi.
Mujohidlar bilan Asad tarafdorlari o’rtasida qaqshatgich janglar davom etar ekan, Muxollif tarafdan olingan xabarga ko’ra, Asad rejimining muhim qo’mondonlaridan biri general Mihraj Ural ham narigi dunyoga ravona bo’ldi. Orient TV kanali Tishrin shifoxonasining
hisobotiga tayanib general Mihraj Uralning o’lganligi haqida xabar tarqatdi. Rosululloh s.a.v.ning bayroqlarini ayoqlari bilan bosib maqtanishga odatlangan bu general Suriyaning Banyas mintaqasida uyutirilgan qatliomning va Rayhonlida yuz bergan portlashlarning muallifi hisoblanadi.
Bu uch qo’mondonning o’lim xabari Asadga etib bormay turib, Suriyada Bashar Asadning qamoqxonalarida mahbuslarni eng og’ir darajada qiynoqqa solish bilan dong taratgan Diya Al-Asad ham Lazkiya shahrida kechgan jangda mujohidlari tarafidan o’ldirildi.
Diya Al-Asadning Suriya qamoqxonalarida mahbuslarni qiynoqqa solayotgan holatlari Suriyadagi faollar tarafidan bir necha bor videoga tortilib ijtimoiy tarmoqlarda tarqatilgan edi.
Asad kuchlariga og’ir zarbalar berayotgan Jabhatun-Nusra va Jayshul-Islom guruhlari tarafidan uyushtirilgan “Anfol” nomli hujumlarda juda ko’p rejim askarlari o’ldirilganligi va bir qancha erlar mujohidlarning qo’liga o’tganligi xabar qilinmoqda.
