Buyuk Britaniya huquqiy tizimida shar’iy qonunlar paydo bo’ldi. Rasmiy yangi qo’llanmada vasiyat (meros) masalasini tashkil etishda britaniya qonunchiligiga mos keladigan islomiy me’yorlarni qo’llashda advokatlar uchun yangi yo’riqnomalar paydo bo’ldi.
Xususan, Angliya va Uelsning advokatlari mahalliy masjidlarda tuzilgan Allohga bo’lgan ishonch asosidagi deklaratsiya hujjatlarida standart yuridik iboralar va matnga o’zgartirish kiritish bo’yicha yo’riqnomalar olishdi.
Britaniya yuristlari tahminiga ko’ra, ayrim hollarda shariat asoslari Buyuk Britaniya an’anaviy qonunchiligidan ustun bo’lishi mumkin. Shuningdek ayrim hujjatlarni tuzish majburiyatlari shariat sudiga yuklatilgan.
Buyuk Britaniyada shariat asoslari hozircha qonunchilik doirasiga kirmaydi, ammo qirollikda musulmonlar o’rtasida chiqqan kelishmovchiliklarni xal etish bilan shug’ullanadigan 85ta shar’iy sudlardan iborat tarmoq mavjud. Ulardan ayrimlari rasmiy ravishda tan olingan va hakamlik haqidagi qonun bo’yicha faoliyat olib bormoqda.
Angliya va Uels yuristlar Assotsiatsiyasi tomonidan chop etilgan yangi qo’llanma birinchi marta ayrim shar’iy me’yorlarni qonuniy ekanligini tan oldi va Islom diniga e’tiqod qilmaydigan yuristlarga shariat asoslari bo’yicha vasiyatlar tuzishda xizmat ko’rsatishni taklif qilish imkonini berdi.
