AQSh prezidenti Barak Obama ba’zi mahalliy axborot agentliklariga bergan intervyusida Ukrainada Rossiyaga qarshi harbiy amaliyotga kirishmasligini bildirdi.
“Bizning Rossiya bilan harbiy amaliyotga kirishishligimiz to’g’ri emasligini va bu ish Ukraina davlati uchun ham yaxshilik olib kelmasligini Ukrainaliklarning o’zlari ham yaxshi tushinib turishipti”, dedi AQSh prezidenti.
Obamaning qayd etishicha, AQShning bu mavzuda qiladigan ishlari Ukraina o’z kelajagini o’zi belgilashi lozimligi borasida diplomatik manbalarni harakatga keltirishdir.
AQSh prezidenti diplomatik yo’l tutish yuzaga kelgan muammolarni hal qilishda eng to’g’ri yo’l ekanligiga ishora qilib, harbiy variant esa kun tartibida yo’qligiga yana bir bor aniqlik kiritdi.
“Rossiya bilan chinakam harbiy kurashga kirishimizga hojat yo’q. Ukrainaliklar ham buni istamaydi. Hech kim buni xohlamaydi”, deya qo’shimcha qildi Obama.
Ammo gap AQSh va NATOga a’zo davlatlarning manfaati ustida ketganda AQSh hukumati jim qarab turmasligi barchaga ma’lum ekanligini urg’ulagan Obama Rossiya prezidenti Vladimir Putinni kuch bilan emas zayiflik bilan ish olib borayotganlikda aybladi.
