Bu holat Rossiya tarafidan Qirim yarim orolini qo’shib olinishi natijasida G’arb davlatlari va Rossiya o’rtasida ziddiyat kuchaygandan so’ng yuzaga kelmoqda.
Kievning mustaqillik maydonida oylab namoyish qilganlar endilikda Moskvaning bosimi ostida qolgan Ukrainani himoya qilish tashvishida. Ular to’liq harbiy tayyorgarlikka chaqirilgan. Hukumat milliy qo’riqchilardan 10000 nafarini ikki hafta davomida armiya safiga qo’shishni rejalagan.
Ukraina ichki ishlar vaziri Arsen Avalov “Biz xavfni sezayapmiz. Chegaralarimizda Rossiya qo’shinlarini ko’ryapmiz. Shaharlarimizda xavfli vaziyat yuzaga kelgan. Shunday ekan, qo’shimcha xavfsizlikni ta’minlash uchun fuqarolarimizni harbiy tayyorgarlikka chaqirdik”, deydi ko’ngilli qo’riqchilarga ishora qilib.
Harbiy tayyorgarlikka yollangan fuqarolar harbiy mahoratlarini charhlar ekanlar, Rossiyaga qaratilgan “Qirim Ukrainaning bir qismi bo’lgan va shunday bo’lib qoladi”, degan shiorni qaytarishadi.
“Biz qancha kerak bo’lsa shuncha tayyorgarlikdan o’tamiz va o’z vatanimizni mudofaa qilamiz, qaysi chegaraga borish kerak bo’lsa, o’sha erga boramiz”, deydi yollangan qo’riqchi Roman Ivanishin. Ruminiya prezidenti Trayan Besesku Qora dengiz mintaqasidagi vaziyatdan xavotirlanib, etnik va harbiy mojarolar istalgan payt sodir bo’lishi mumkinligini bildirdi.
“Rossiyaning Gruziya va Qrimda nimalar qilganini ko’rdik. Men Moldova keyingisi bo’lsa hayron bo’lmayman”,- deydi Ruminiya prezidenti.