Qrim Bosh vaziri Sergey Aksenov muxtor respublikani Rossiyaga qo’shilishi to’g’risida bo’lib o’tgan referendumni “amalda bo’lib o’tdi” deb hisoblashini aytib o’tdi.
Kunning yarmida yarimorolning yirik shaharlarida saylovchilarning 50 foizi ovoz berib bo’lgan edi. Referendum o’tkazish bo’yicha respublika komissiyasining xabariga ko’ra, soat 14.00da saylovchilarning 54 foizi ovoz berib bo’lgan.
Referendum o’tkazish va uning bo’lib o’tgan deb hisoblashlik uchun eng kam miqdor belgilanmagan. Avvalroq Qrim muxtor respubikasining rossiyaparast Bosh vaziri Sergey Aksenov, saylovchilarning 80 foizidan ko’proq qismi referendumda ishtirok etishini his qilib turganligini, aytib o’tgan edi.
Bosh vazir shuningdek, “Qrimliklarning juda ko’p qismi birinchi savolga ijobiy javob berishlari” to’g’risida fikr bildirib o’tdi. Referendumga qo’yilgan birinchi savol “Siz Qrimning Rossiya Federatsiyasi sub’ekti o’laroq Rossiyaga qo’shilishi tarafdorimisiz?”. Ikkinchi savol esa “Siz Qrim respublikasining 1992 yildagi konstitutsiyasi tiklanib, Qrim Ukrainaning bir bo’lagi maqomida bo’lishi tarafdorimiz?” kabilardan iborat.
Rasmiy Kiev referendumni noqonunniy deb hisoblaydi. Kuni kecha Ukraina Oliy Radasi Qrim parlamentini tarqatib yuborish to’g’risida qaror qabul qildi. O’z navbatida fevral oyidan buyon Sergey Aksenov boshchilik qilayotgan Qrim hukumati yangi Kiev hukumati qarorlarini tan olmay kelmoqda. Rossiya esa Qrimdagi referendumni qonuniy deb hisoblaydi.
