Serbiya davlat televideniyasining RTS kanali Serbiyada “Qashqirlar” nomini olgan guruh Qirimdagi rus halqiga yordam berish maqsadida ko’ngilli ravishda Qirimga yo’l olganligi haqida xabar tarqatdi.
Bu radikal guruh o’tgan asrning to’qsoninchi yillarida Bosniyada kechgan qirg’inda minglagan bosniyalik musulmonlarni ayovsiz qirg’in qilish bilan tanilgan serblar jamoasidir.
O’zini “qashqirlar” jamoasining qo’mondoni deb tanishtirgan Milutin Malishichning ta’kidlashicha, bu guruhning Qirimda Rossiya harbiylari bilan bir safda turishining sababi serb xalqining rus xalqiga yordam ko’rsatishga tayyor ekanligini ifodlash uchundir.
“Bugun bu erda kechayotgan hodisalar bir vaqtlar Serbiyada kechgan hodisalarning aynan o’zidir”, dedi u Bosniyada musulmonlar ommaviy ravishda qirg’in qilingan hodisaga ishora qilib.
“G’arb va Yevropa muxolifatni mablag’ bilan ta’minlar ekan, muxolifat ham o’z navbatida Yevropaning istagini amalga oshirmoqda”, dedi Malishich qo’shimcha qilib.
Rus ko’ngillilari ham 1990 yillardagi Yugoslaviya tuproqlarida bo’lib o’tgan urushda serblarning yonida turib ularga yordam berganligini urg’ulagan Malishich “Bugun navbat bizniki, bu erda bo’lish bizning vazifamizdir”, dedi.
Malishich o’zi bilan Qirimga kelgan Serbiyalik bir qancha vatandoshlari ham borligini aytib “men bilan bu erga kelganlar Rossiyaga nisbatan o’ta muhabbati kuchli kishilardir”, dedi.
Turkiston:
Rossiya musulmonlarning nafratlari tig’i bo’ylab yurishda davom etayapti. AQSh uni Suriyadagi tutgan noto’g’ri pozitsiyasidan ilintirib olib, butun dunyo musulmonlarining birinchi raqamli dushmani qilish sari o’ta moxirlik bilan yo’naltirib borayapti. Xa u o’zidan Rossiyaga, butun dunyo musulmonlar nafratini burib yuborishga xarakat qilayapti. Putin esa, o’zi kuch strukturadan chiqqanidanmi, AQSh tuzayotgan deyarli barcha tuzoqlarga ilinib borayapti. Axir Rossiya islomiy xavf eng kuchli mintaqalardan sanaladi. Yevropa kelgindi musulmonlardan vaximaga tushayotgan paytda, Rossiya asosiy qismi islomiy yurtlar va musulmonlar bo’la turib, ular bilan o’rtasida juda katta jarliklar paydo qilishda davom etayapti. Putinning bu siyosiy gumrohligidan Abama o’z yurti manfaatida foydalanishda davom etayapti. Rossiya shu ketuvida davom etaversa, yaqin kelajakda parchalanadi insha Allox.
