Jalolobod viloyati qoziyoti mahalliy imomlar va din xizmati xodimlaridan ular faqatgina Hanafiy mazhabiga ergashishlari to’g’risida tilxat yozdirib olmoqda.
Qoziyot bunday choralar din xizmati xodimlarini turli xil ekstremistik tashkilotlarga a’zo bo’lish yoki ularda ishtirok etishini oldini olishiga umid bildirmoqdalar. Jalolobod viloyat qozisi Abdulaziz Zokirov bu ishlar mohiyatini aniqlashtirib:
“Biz ularni Hanafiy mazhabiga ergashishlari to’g’risida tilxat yozib berishga majburlayapmiz. Huquqni muhofaza qilish organlari, masalan, IIV 10- bo’limi imomlarni tekshiradi hamda ularni (imomlar) terroristik tashkilotlarga aloqador emasliklari va sudlanmaganliklari haqida spravka yozib berishadi. Biz imomlarni 24 soat mobaynida nazorat qila olmaymiz. Endilikda javobgarlik ularning o’ziga tushadi”, – dedi.
Qozining so’zlariga ko’ra, bunday tilxatlar viloyatdagi mavjud 600ta masjidning barcha imom va xodimlaridan yozdirib olinadi.
Jalolobod qozisi qo’shimcha qilib, so’ngi vaqtlarda din nomi bilan ish yuritadigan terroristik tashkilotlar o’z faoliyatlarini kuchaytirganini, qoziyot ularga qarshi turish uchun barcha zaruriy choralarni ko’ratganini, aytib o’tdi.
“Biz tushintirish ishlarini olib boryapmiz va aytamizki, insonlar chin ko’ngildan xizmat qilsin, davlat va dinga ziyon etkazishmasin. Turli xil ekstremistik tashkilotlar esa dinga zarar etkazmoqdalar”, – dedi qozi.
Avvallari ham muftiyot va boshqa davlat idoralari mamlakatda Hanafiylik mazhabini, boshqacha aytganda an’anaviy Islomning rivojlantirish tarafdorlari ekanligi haqida aytib o’tilingan va bu haqda prezident Atambaev ham bir necha bor gapirib o’tgan edi. Qirg’iziston muftiysi vazifasini bajarayotgan Maqsad hoji To’ktamushev ham bu vazifaga o’tishi bilan Hanafiylik mazhabini targ’ib qila boshlashi haqida aytgan edi.
“Bizning mamlakatda ko’plab xorijiy tashkilotlar faoliyat olib borishadi. Lekin ularning ishlari tartibsiz ko’rinishga ega. Ular bizga biror yordam ko’rsatishni xohlashsa biz har doim rozimiz. Biroq, ular o’z siyosatlarin yurgizishlariga va bizga yot bo’lgan g’oyani tarqatishlariga yo’l qo’ymaymiz. Biz faqatgina Imomi A’zam ta’limotini tarqatishga harakat qilamiz. Prezident ham, olimlar ham buni qo’llab-quvvatlashadi. Odam ta’limni Saudiya, Pokiston, Turkiya yoki Misrda oladimi bundan qat’iy nazar uning da’vat faoliyati faqatgina Hanafiylik mazhabi asosida olib borilishi kerak”, – dedi Maqsad hoji To’ktamushev.
