Rus parlamenti kecha 1 mart kuni Rossiya prezidenti Vladimir Putinning Ukraina erlarida siyosiy va ijtimoiy barqarorlikni qayta tiklash uchun Rossiya qurolli kuchlarini ishga solish taklifini bir ovozdan qo’llab quvvatladi.
Rossiya federatsion kengashining rahbari Valentina Matvienko “Biz Qrimda yashayotgan Rossiya fuqarolari va Rossiyaning qora dengiz harbiy floti xavfsizligini himoya qilish uchun ma’lum sondagi harbiylarimizni mintaqaga yuborishni Rossiya prezidenti Vladimir Putinga tavsiya qildik”, dedi.
Matvienko yig’ilishda Rossiya elchisini Amerikadan chaqirib olish talabini o’z ichiga olgan risola tayyorlab Rossiya prezidentiga topshirish taklifini o’rtaga tashladi.
Shuningdek Rossiya federatsion kengashi rahbarining noibi Yuriy Vorobev ham rus elchisini Voshingtondan chaqirib olishni talab qildi. Bu talablar AQSh prezidenti Barak Obama Ukrainadagi vaziyatlar haqida nutq so’zlab “bu Rossiya xalqini tahqirlashdir”, deganidan so’ng o’rtaga chiqmoqda.
2 mart, ya’ni bugun Rossiya prezidenti Vladimir Putin Amerikalik hamkasbi Barak Obama bilan telefon orqali bog’lanib, Ukraina borasida suhbatashdi. Putin Ukraina erlarida istiqomat qilayotgan Rossiya fuqarolarining hayotiga haqiqiy tahdid mavjudligini ta’kidlar ekan, agar Ukraina va Qirim o’lkasida tartibsizliklar yuz beradigan bo’lsa, Rossiya o’z manfaatlarini va fuqarolarining manfaatlarini hamda rus tilida so’zlovchi Ukraina fuqarolarinining manfaatlarini himoya qilishini bildirdi.
Rossiya prezidenti Frantsiya prezidenti Fransua Olland bilan ham telefon orqali so’zlashib, Ukrainadagi vaziyat ustida bahs yuritdi.
Turkiston:
Putin o’zining avtoritar rejimidan foydalanmoqda. U go’yoki rejimni talablari qat’iyligidan, ba’zi bir keskin choralarni ko’rishga majbur bo’layotgandek ko’rinishga urunadi. Rejimga erk berib, uning qati’y talablari ostida ba’zi bir xalqaro huquq normalarni buzushga urunib ko’radi. Buni Kremlning siyosiy mazharabozi bo’lmish Jerenovskiy ishtirokida bo’lib o’tgan 23 fevral himoyachilar kuniga atalib bo’lib o’tgan mitingda so’zlagan nutqida yaqqol namoyon bo’ldi. U Ukrainani, Polsha, Germaniya kabi bosqinchilardan aynan rus xalqi qutqarib olganini, nasyaga gaz va neft bilan arzon narxda ta’minlab kelayotganini minnat qilib, o’ta xaqoratomus so’zlar bilan Kremldan ularni shu gaz va neftdan mutloq uzib yuborishni talab qildi. Shuningdek Krimdagi ruszabon xalqlarni va Qoradengiz xarbiy flotini himoyasi uchun armiya olib kirish lozimligini aytdi. Uning ortidan so’zgan Zyuganov va boshqa siyosiy elita a’zolari ham shu yo’nalishda so’z olib borishdi. Endi esa huddi shu talablar bilan, butun parlament bir ovozdan ko’tarildi.
